Jôsuê 4:11 - Sơ̆p Hlabơar Nơ̆r 'Bok Kei-Dei

¹¹ Lăp đĭ-đăng kon pơlei tŏk hlôi kơ đak krong boih, na Hom Pơgơ̆p Kră Yang păng lu 'bok soi, kư̆m năm yak tŏk rok 'bơ̆t anăp kon pơlei.

Jôsuê 4:11 Iomraidhean Croise

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 3:8

Ih athei khan kơ lu 'bok soi tung Hom Pơgơ̆p: Lăp lu iĕm truh 'bơ̆t jih đak Krong Jôrđăn lu iĕm jur dơ̆ng tŏk-bŏk đak krong.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 4:12

Kon sâu Rubên, kon sâu Gat păng minh puăt kon sâu Manase chĕp khêl đao yak adrol kơ kon pơlei Isơrael trŏ thoi Môis đei khan tơbăt kơ lu sư,

Jôsuê 4:18

Lu 'bok soi tung Hom Pơgơ̆p Kră Yang tŏk hlôi kơ đak krong jơ̆ng lu sư hiŏng 'nao wă juă tơ kông anih hrĕng, na đak krong Jôrđăn 'blip tơ'bưh dang đêl, ro 'bĕnh thoi so.