Jôsuê 4:10 - Sơ̆p Hlabơar Nơ̆r 'Bok Kei-Dei

¹⁰ Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 4:10 Iomraidhean Croise

Horiso 119:60

Inh hăt hot hloi ưh kơ gô ôh. Wă wei răk dôm nơ̆r Ih tơtă.

Le 12:39

Lu sư pơm 'bĕng ưh kơ đei 'buih pông tơpŭng mă lu sư chĕp ba đơ̆ng dêh Êyiptơ. Tơpŭng ưh kơ đei hrâu 'buih pông ôh yua kơ đe puh lu sư hăt hot dêh lĕch đơ̆ng dêh Êyiptơ, ưh kơ gơh hiơ̆ păng kư̆m ưh kơ đei hơmet hiă lê̆ tơmam sa kơdih.

Tơdrông Pơđơk 27:1

'Nĕ pơư kơ năr dơning, Yua kơ ih ưh kơ băt năr dơning sư jing liơ.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

II Kor 6:2

yua kơ 'Bok Kei-Dei khan boih tơ lăm sơ̆p hla bơar Sư khan sơ̆ thoi âu: “Truh năr Inh wă pơklaih kon bơngai, Inh mơ̆ng 'bơ̆r ih păng tơdŏng ih.” Na jơhnơr lu bơ̆n âu boih trŏ kơ khei năr 'Bok Kei-Dei pơklaih kon bơngai noh.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

Jôsuê 4:11

Lăp đĭ-đăng kon pơlei tŏk hlôi kơ đak krong boih, na Hom Pơgơ̆p Kră Yang păng lu 'bok soi, kư̆m năm yak tŏk rok 'bơ̆t anăp kon pơlei.

Jôsuê 4:9

Jôsuê kư̆m akŭm pơdơ̆ng mơjĭt-'bar tŏ tơmo iŏk đơ̆ng lăm tŏk-bŏk đak Krong Jôrđăn, 'bơ̆t anih jơ̆ng, lu 'bok soi tung Hom Pơgơ̆p oei dơ̆ng, lu tơmo noh oei đei truh tơ dang ei.