Jôsuê 3:6 - Sơ̆p Hlabơar Nơ̆r 'Bok Kei-Dei

⁶ Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 3:6 Iomraidhean Croise

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

II Ho 5:4

Wă đĭ-đăng lu kră bơngai Isơrael truh na lu bơngai Lêwi tung ba Hom Pơgơ̆p noh.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Jo 14:15

Tơdah Ih pơlôch đĭ kon pơlei adrĕch 'nâu, minh 'măng, na lu dêh char nai mă kơtơ̆ng boih gah lu sư khan:

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Jôsuê 3:3

Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jôsuê 3:5

Jôsuê kư̆m khan kơ kon pơlei: Lu iĕm athei wei akâu mă 'lơ̆ng rơgoh yua kơ dơning Kră Yang gô pơm tơdrong hlĭch chrơp, tŏk-bŏk lu iĕm,

Jôsuê 3:7

Kră Yang khan kơ Jôsuê: Dang ei Inh gô pôk pơyom ih 'bơ̆t anăp lu bơngai Isơrael, wă kơ lu sư băt Inh Kră Yang oei hơdai ih, thoi Inh đei oei hơdai hăm Môis sơ̆.

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.