Jôsuê 3:5 - Sơ̆p Hlabơar Nơ̆r 'Bok Kei-Dei

⁵ Jôsuê kư̆m khan kơ kon pơlei: Lu iĕm athei wei akâu mă 'lơ̆ng rơgoh yua kơ dơning Kră Yang gô pơm tơdrong hlĭch chrơp, tŏk-bŏk lu iĕm,

Jôsuê 3:5 Iomraidhean Croise

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Horiso 77:15

Ih yua kơkŏng ti Ih kơdih pơklaih kon pơlei pơla Ih. Lu kon drŏ-nglo Jakôp păng kon drŏ-nglo Jôsep. Sêla

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Jôel 2:16

Krao akŭm bĕ kon pơlei pơla, pơm rơgoh bĕ lu khŭl bơngai akŭm. Athei krao lu kră pơlei năm tơ noh, athei akŭm lu hơ'lơ̆p, păng lu nge mă oei mŏm! Ăn klo hle sư lĕch bĕ đơ̆ng anih 'bĭch sư, păng ăn akăn hơlai 'nao sư lĕch bĕ đơ̆ng anih sư.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 20:7

Lu iĕm athei wei akâu iĕm jing 'lơ̆ng rơgoh, yua kơ Inh jơ̆ Kră Yang 'Bok Kei-Dei lu iĕm.

Jo 11:8

Kon pơlei chă dônh tah, peh hăm tơpăl wă kơ hĕch, dah ot hăm tơpăl ot, hơtŭk sư lăm gŏ dah pơm 'bĕng; sa sư thoi 'bĕng đe hrâu hăm đak rơmă ôliwơ.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

Jôsuê 3:15

Kơplah ei trŏ bơyan kĕch 'ba, đak Krong Jôrđăn tih tŏk 'bĕnh lah lai bơnơ̆. Kơplah lu bơngai tung Hom tơdrong pơgơ̆p Kră Yang, păng 'nao wă chro jơ̆ng 'bơm đak hơiuh tŏ sĕt.

Jôsuê 3:4

Mă-lei yak ataih băl sơlam lu iĕm hăm Hom tơdrong pơgơ̆p Kră Yang noh dang 'bar-rơbâu hơgăt; 'nĕ kơ yak jê̆, wă kơ lu iĕm băt kơ trong yak; yua kơ lu iĕm ưh tam lah yak trong noh.

Jôsuê 3:6

Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 7:13

Iung bĕ pơm kơ kon pơlei rơgoh păng khan: Hơmet bĕ lu iĕm kơdih mă rơgoh, kơ năr dơning, yua kơ 'nâu nơ̆r Kră Yang 'Bok Kei-Dei Isơrael đei khan: Ơ lu bơngai Isơrael, tơ lăm lu iĕm đei tơmam mă trŏ kơ pơyơ̆r păng pơrăm. Lu iĕm ưh kơ kĕ ôh tơblah hăm lu bơngai ayăt kơ iĕm, dĭng mă lu iĕm đei iŏk lê̆ tơmam noh đơ̆ng lăm lu iĕm.

I Sam 16:5

Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.