Jôsuê 3:17 - Sơ̆p Hlabơar Nơ̆r 'Bok Kei-Dei

¹⁷ lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 3:17 Iomraidhean Croise

II Pot 2:8

Êli thar iŏk ao đaih sư, lôm huăt tơ đak krong, na đak krong tơklah 'bar na bre sư tŏk, nơnăm kơpal teh hrĕng.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Le 14:22

kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Jo 33:51

Roi tơbăt bĕ kơ kon pơlei Isơrael thoi âu: Kơplah iĕm tŏk găn hlôi đak Krong Jôrđăn wă mơ̆t tơ lăm dêh char Kanaan boih.

Hêbrơ 11:29

Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Jôsuê 4:1

Kơplah đĭ-đăng kon pơlei tŏk hlôi kơ đak Krong Jôrđăn boih, Kră Yang khan kơ Jôsuê:

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 4:11

Lăp đĭ-đăng kon pơlei tŏk hlôi kơ đak krong boih, na Hom Pơgơ̆p Kră Yang păng lu 'bok soi, kư̆m năm yak tŏk rok 'bơ̆t anăp kon pơlei.

Jôsuê 4:22

Lu iĕm gô khan kơ lu kon sâu: “Lu bơngai Isơrael tŏk hlôi kơ đak Krong Jôrđăn rok teh hrĕng.

Jôsuê 4:3

Na khan kơ lu sư: Athei dônh iŏk mơjĭt-'bar tŏ tơmo đơ̆ng lăm đak Krong Jôrđăn, 'bơ̆t ala jơ̆ng lu 'bok soi oei dơ̆ng, na chĕp ba, dan 'bơ̆t anih lu iĕm wă 'bĭch pơdơh măng kơnh.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.