Jôsuê 3:15 - Sơ̆p Hlabơar Nơ̆r 'Bok Kei-Dei

¹⁵ Kơplah ei trŏ bơyan kĕch 'ba, đak Krong Jôrđăn tih tŏk 'bĕnh lah lai bơnơ̆. Kơplah lu bơngai tung Hom tơdrong pơgơ̆p Kră Yang, păng 'nao wă chro jơ̆ng 'bơm đak hơiuh tŏ sĕt.

Jôsuê 3:15 Iomraidhean Croise

II Pot 2:6

Êli khan kơ sư: “Inh apinh ih ngôi 'bơ̆t dâu hŏ yua kơ Kră Yang wơh inh năm tơ đak krong Jôrđăn.” Êlisê tơl: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh bre sư oei hơnơ̆ng năm hơdai đĕch.

I Ho 12:15

'Nâu boih lu bơngai mă tŏk kơ đak Krong Jôrđăn lăm khei mônh, kơplah đak tih lơ̆p blai kơ 'bar pah jih bơnơ̆, blah puh đĭ lu kon pơlei oei lăm thŭng dơnă gah hơlĕch păng gah bơmơ̆t.

I Ho 12:16

Đei mơ'nah bơngai Bênjamin păng Juđa kư̆m năm truh tơ kơđông kơjăp kiơ̆ Đawit.

Êsai 26:6

Pơjuă lê̆ tơ ala jơ̆ng, lăm jơ̆ng yak lu bơngai pơmat-tat, tơpang jơ̆ng lu bơngai dơnuh hin yak.

Je 12:5

Tơdah ih kơdâu pơlong jơ̆ng hoh hăm đe boih, na jei đe, Liơ ih kĕ kơdâu pơlong hăm aseh lĕ? Kơplah lăm char oei hiôk-hian mă ih pơ̆k boih, liơ ih kĕ tŏk lăm bri brah đak Krong Jôrđăn?

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

Jôsuê 4:18

Lu 'bok soi tung Hom Pơgơ̆p Kră Yang tŏk hlôi kơ đak krong jơ̆ng lu sư hiŏng 'nao wă juă tơ kông anih hrĕng, na đak krong Jôrđăn 'blip tơ'bưh dang đêl, ro 'bĕnh thoi so.