Jôsuê 3:1 - Sơ̆p Hlabơar Nơ̆r 'Bok Kei-Dei

¹ 'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

Jôsuê 3:1 Iomraidhean Croise

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

Bl 22:3

Abraham iung đơ̆ng hrôih, hrơ̆t aseh. Sư chông ba 'bar 'nu đĭch đam sư păng kon sư Isăk kư̆m năm hơdai. Sư chăl 'long ŭnh chĕp ba wă 'buh tơmam soi na năm tơ anih mă Kră Yang 'Bok Kei-Dei đei tơ'bôh ăn.

Horiso 119:60

Inh hăt hot hloi ưh kơ gô ôh. Wă wei răk dôm nơ̆r Ih tơtă.

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

Je 26:5

păng tơdah lu iĕm ưh kơ wă mơ̆ng dôm nơ̆r đơ̆ng lu đĭch đam Inh, mă lu bơngai khan lê̆ adrol, Inh ling-lang wơh lu sư năm truh tơ iĕm, mă-lei lu iĕm kư̆m kuă kơ mơ̆ng lu sư,’ ”

Je 7:13

Kră Yang khan: Yua kơ lu iĕm đei pơm boih tôm tơdrong noh mă Inh lơ wơ̆t khan kơ lu iĕm, mă-lei lu iĕm ưh kơ wă mơ̆ng; Inh krao lu iĕm mă-lei lu iĕm kuă kơ tơl nơ̆r Inh.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Markôs 1:35

Lăp pơgê hrôih năr đơ̆ng rŏng, Yêsu lĕch hloi đơ̆ng pơlei ei năm tơ anih kueng kơdrô̆, Sư krao khan kơdrô̆ Sư tơ ei.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 6:12

Pơgê đơ̆ng rŏng Jôsuê iung đơ̆ng hrôih păng lu 'bok soi tung Hom Pơgơ̆p Kră Yang.

Jôsuê 6:15

Lăm năr mă tơpơh lu sư iung đơ̆ng hrôih, măt 'năr 'nao 'brưch hơdah, năm tăp dăr kơ pơlei tơpơh wơ̆t kư̆m thoi ki, lăp lăm năr noh đĕch lu sư năm tăp dăr kơ pơlei tơpơh wơ̆t,

Jôsuê 7:16

Thoi noh Jôsuê iung đơ̆ng hrôih, chông ba lu bơngai Isơrael năm akŭm, kiơ̆ kơ adrĕch lu sư Kră Yang tơhlâu tơ'bôh lăm adrĕch Juđa.

Jôsuê 8:10

Pơgê đơ̆ng rŏng Jôsuê iung đơ̆ng hrôih, jô̆ lu linh sư, sư păng lu kră pơgơ̆r năm adrol kơ lu linh truh tơ pơlei Ahi,

Lu 20:19

Pơgê đơ̆ng rŏng lu bơngai Isơrael iung đơ̆ng hrôih pơm kơđông jê̆ pơlei Gibêah.

I Sam 17:20

Pơgê dơning đơ̆ng hrôih, Đawit lê̆ triu sư ăn kơ minh 'nu bơngai wei, iŏk tơmam na yak năm, thoi 'bă sư pơkă boih. Lăp sư truh tơ anih na kơplah noh hloi lu linh lĕch năm tơblah păng jreo re drŭt tơblah.