Jôsuê 24:7 - Sơ̆p Hlabơar Nơ̆r 'Bok Kei-Dei

⁷ Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

Jôsuê 24:7 Iomraidhean Croise

Le 14:10

Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Le 14:31

Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.

Both 1:46

Thoi noh lu iĕm oei tơ Kades đunh ưh kơ băt dang yơ!

Both 2:14

Thoi noh, măng năr lu nhôn, lĕch đơ̆ng Kades Barnêa, truh tơ năm hlôi kơ đak glung Sêret, đunh đei pêng-jĭt tơhngam sơnăm đĭ lăm minh chăl dĭng mah đĭ lu bơngai drŏ-nglo mă gơh pơm linh lôch đĭ đơ̆ng lăm kơđông, kư̆m thoi Kră Yang đei pơkă boih.

Both 29:2

Môis krao đĭ bơngai Isơrael khan kơ lu sư: Lu iĕm hlôi 'bôh boih dôm tơdrong Kră Yang pơm lăm dêh Êyiptơ 'bơ̆t tơm măt iĕm kơ Pharaôn kơ đĭ bơngai jang kơ sư păng lăm dêh sư.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Hêbrơ 3:17

Kơplah puăn-jĭt sơnăm noh sơ̆ 'Bok Kei-Dei hil kơ đe bu? Sư hil kơ lu bơngai Isơrael pơm yoch. 'Noh na lu sư lôch kơtă hloi tơ dêh glă.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.