Jôsuê 24:33 - Sơ̆p Hlabơar Nơ̆r 'Bok Kei-Dei

³³ Êlêasar, kon drŏ-nglo Arôn, kư̆m lôch, đe 'bŭ sư tơ Gibêah pơlei mă Phinêhas, kon drŏ-nglo sư, teh noh đe ăn kơ sư tơ tơring groi kông Êphraim.

Jôsuê 24:33 Iomraidhean Croise

II Sam 20:21

Ưh kơ trŏ thoi noh ôh! Mă-lei đei minh 'nu bơngai đơ̆ng tơring kông Êphraim, anăn sư Seba, kon drŏ-nglo Bikri. Sư iung blah pơtao Đawit. Lu iĕm athei pơjao sư ăn kơ inh, minh 'nu sư đĕch na inh gô ăn linh kơdŭn weh, ưh pă wang pơlei dơ̆ng.” Bơngai drŏ-kăn tơl: “Lê̆ lu nhôn klơ̆m kơ̆l sư tơ đaih kơ dur ăn kơ ih.”

I Pot 4:8

'Nâu anăn lu sư: Ben Hur wei-lăng tơring groi Êphraim.

II Pot 5:22

Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Le 6:23

Arôn oei kơ Êlisêba, kon drŏ-kăn Aminađap, oh Nahasôn; duch ei tơpŭ kơ sư Nađap, Abihu, Êlêasar păng Ithamar.

Le 6:25

Êlêasar, kon drŏ-nglo Arôn, oei kơ kon adruh Phutiel; duch ei tơpŭ kơ sư Phinêhas. 'Noh boih lu kơdră lăm khŭl adrĕch bơngai Lêwi, kiơ̆ adrĕch adrung lu sư.

Sa 1:5

Bê̆ tơ yơ 'bok yă lu iĕm dang ei? Păng lu 'bok khan lê̆ adrol noh hăm đei arih ling-lang ưh?

Jo 3:32

Yŏng pơgơ̆r tih hloh lu adrĕch bơngai Lêwi noh Êlêasar, kon drŏ-nglo Arôn 'bok soi tơm; sư jao ăn kơ Êlêasar wei-lăng păng pơgơ̆r lu bơngai bơ̆jang lăm anih rơgoh.

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Hêbrơ 7:24

Mă gah Yêsu Sư oei pơm ling-lang ưh kơ tôch, yua kơ Sư gơh arih ling-lang.

Jôsuê 14:1

Âu boih teh lê̆ kơ kon pơlei Isơrael jang sa lăm dêh char Kanaan, kiơ̆ thoi 'bok soi Êlêasar, Jôsuê kon drŏ-nglo Nun hăm lu kơdră lu adrĕch kon pơlei Isơrael đei asong kơ lu sư.

Jôsuê 22:13

Thoi noh kon pơlei Isơrael wơh Phinêhas, kon drŏ-nglo 'Bok soi Êlêasar năm truh tơ adrĕch Rubên, adrĕch Gat păng minh puăt adrĕch Manase tơ char Gileat;

Lu 17:8

Mă-lei sư lê̆ pơlei Betlehem lăm dêh char Juđa na năm chă jang sa tơ nai. Kơplah sư năm rok trong sư năm truh tơ groi kông Êphraim, weh ngôi tơ hnam Mika.

Lu 18:13

Đơ̆ng noh lu sư năm rok truh tơ groi kông Êphraim păng năm truh hloi tơ hnam Mika.

Lu 20:28

Đei Phinêhas, kon drŏ-nglo Êlêasar sâu Arôn, bơ̆jang 'bơ̆t anăp hom pơgơ̆p noh. Lu sư krao apinh Kră Yang khan: Lu nhôn hăm wă năm tơblah hăm lu 'nhŏng oh nhôn Bênjamin dơ̆ng ưh; dah mă lu nhôn pơdơh 'mơ̆i? Kră Yang tơl: Năm bĕ, yua kơ lăm năr dơning Inh gô pơjao lu sư lăm tơpang ti iĕm,

I Sam 1:1

Đei minh 'nu bơngai drŏ-nglo đơ̆ng pơlei Ramathaim Suphima lăm tơring groi kông Êphraim anăn sư Êlkana, kon drŏ-nglo Jêrôham sâu Êlihu, sâu i Tơhu, sâu ach Sup, bơngai adrĕch Êphraim.

I Sam 9:4

Sư năm chă jơ̆p kơ kông groi Êphraim, jơ̆p kơ tơring Salisa ră, mă-lei ưh kơ 'bôh; na sư năm dơ̆ng jơ̆p kơ tơring Salim, jơ̆p kơ dêh Bênjamin, mă-lei kư̆m oei ưh kơ 'bôh 'mơ̆i.