Jôsuê 24:27 - Sơ̆p Hlabơar Nơ̆r 'Bok Kei-Dei

²⁷ Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.

Jôsuê 24:27 Iomraidhean Croise

Jop 31:23

Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Jop 31:28

tơdrong 'noh minh tơdrong yoch kơnê̆ trŏ kơ sek pơlôch, Yua kơ inh sơngah kơ Kră Yang 'Bok Kei-Dei tơ kơpal ti.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Habakuk 2:11

Yua kơ tơmo lăm tơnăr gô ôr krao, 'long bơbŭng gô tơl tơwih.

Jo 11:20

Mă-lei dĭng truh tơ minh khei hloi, dĭng mă 'nhĕm iĕm 'bĕnh mah lĕch trong muh păng lu iĕm đĭ pă 'maih sa, yua kơ lu iĕm achăng lê̆ Kră Yang mă oei tŏk-bŏk lu iĕm păng nhơ̆m krao 'bơ̆t anăp Sư khan: Yua kơ kiơ lu nhôn mă lĕch đơ̆ng char Êyiptơ.

Mathiơ 10:33

Bu hli kơ đe, mơlâu kơ đe na sư khan sư ưh kơ lui kơ Inh, Inh kư̆m roi kơ 'Bă Inh tơ plĕnh ti thoi noh mơ̆n.

Luka 19:40

Na Yêsu khan tơwih kơ lu sư: “Inh khan kơ iĕm tơpă, dah lu sư thĕng, lei lu tơmo kư̆m gô pơma ư-ang mơ̆n ưh kơ lê̆ ôh.”

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.

Both 31:19

Thoi noh dang ei, chih bĕ nơ̆r hơri 'nâu păng bơtho ăn kơ kon pơlei bơngai Isơrael hơri, lu sư athei thuơk lăm đon kơ nơ̆r hơri 'nâu wă roi tơbăt ăn Inh kơ nơ̆r Inh chrih ayăt hăm lu sư.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Both 32:1

Ơ lu tăl plĕnh mơ̆ng bĕ, 'nâu wă pơma; ơ teh apinh mơ̆ng bĕ nơ̆r đơ̆ng 'bơ̆r inh.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Jôsuê 22:34

Thoi noh lu bơngai Rubên păng bơngai Gat anăn chơnang soi noh Êt wă khan tơbăt pơsĭt tŏk-bŏk lu bơ̆n noh Kră Yang 'Bok Kei-Dei tơpă.

Jôsuê 24:28

Jôsuê ăn kơ kon pơlei wih, bu bu kư̆m wih brŏk jang sa mir 'ba kơdih.

Tơdrông Tơ'bôh 3:8

‘Inh băt mơ̆n tơdrong lui iĕm thoi yơ. Bơngai lui tơ pơlei iĕm ưh kơ gan lơ ră, mă-lei iĕm oei kiơ̆ dôm nơ̆r Inh pơkă kơ iĕm. Păng iĕm ưh kơ đei sơngah khan ưh kơ lui kơ Inh ôh. Na dang ei Inh pơih ăn kơ iĕm 'măng mơ̆t lĕch boih, ưh kơ đei bu gơh tang chơkăl kuă ăn iĕm mơ̆t lĕch.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.