Jôsuê 24:18 - Sơ̆p Hlabơar Nơ̆r 'Bok Kei-Dei

¹⁸ Kră Yang đei pơpuh tơweh boih 'bơ̆t anăp lu nhôn lu adrĕch adrung, kon pơlei Amôrit mă oei lăm char 'nâu lu nhôn wă chu yom kơ Kră Yang, yua kơ Sư boih Kră Yang 'Bok Kei-Dei lu nhôn.”

Jôsuê 24:18 Iomraidhean Croise

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Jang 7:45

Lu kon sư dơ̆ng, lăp 'bok Jôsuê pơgơ̆r, lu sư tung ba hnam ei tơ dêh Kanaan mă bơ̆n oei dang ei, na 'Bok Kei-Dei pơpuh lê̆ lu bơngai mă oei tơ dêh Kanaan sơ̆ ăn kơ lu 'bok kơdră bơ̆n oei tơ dêh Kanaan. Hnam ei oei truh tơ Đawit pơm pơtao.

Both 10:21

Sư boih mă Tơ'ngla lu iĕm hơri ư-ang păng Sư boih Kră Yang 'Bok Kei-Dei iĕm Tơ'ngla hlôi pơm dôm tơdrong pran kơtang tih păng krưp, mă măt lu iĕm 'bôh boih.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Jôsuê 23:9

Yua kơ Kră Yang hlôi đei puh tơweh boih 'bơ̆t anăp lu iĕm adrĕch adrung tih pran păng truh tơ dang ei ưh kơ đei bu kĕ dơ̆ng tơblah 'bơ̆t anăp lu iĕm.

Jôsuê 24:17

Yua kơ Kră Yang jing 'Bok Kei-Dei lu nhôn; Sư boih chông ba lu nhôn păng 'bok yă lu nhôn lĕch klaih rơngei đơ̆ng char Êyiptơ, klaih rơngei đơ̆ng pơm đĭch; Sư đei pơm mơsêh hlĭch 'bơ̆t anăp lu nhôn păng tơgŭm lu nhôn, mă tơ rok trong nhôn yak, mă hăm lăm kon pơlei nai huay kơ đei pơrăm lu nhôn.

Jôsuê 24:19

Jôsuê khan kơ kon pơlei: “Lu iĕm ưh kơ kĕ ôh wă chu yom kơ Kră Yang, yua kơ Sư Kră Yang 'Bok Kei-Dei 'lơ̆ng rơgoh, Kră Yang 'Bok Kei-Dei băt kơ gar. Sư ưh kơ lê̆ ôh tơdrong lu iĕm pơm kơnê̆ păng tơdrong yoch lu iĕm.