Jôsuê 24:17 - Sơ̆p Hlabơar Nơ̆r 'Bok Kei-Dei

¹⁷ Yua kơ Kră Yang jing 'Bok Kei-Dei lu nhôn; Sư boih chông ba lu nhôn păng 'bok yă lu nhôn lĕch klaih rơngei đơ̆ng char Êyiptơ, klaih rơngei đơ̆ng pơm đĭch; Sư đei pơm mơsêh hlĭch 'bơ̆t anăp lu nhôn păng tơgŭm lu nhôn, mă tơ rok trong nhôn yak, mă hăm lăm kon pơlei nai huay kơ đei pơrăm lu nhôn.

Jôsuê 24:17 Iomraidhean Croise

II Ho 13:10

Gah lu nhôn, Kră Yang 'Bok Kei-Dei lu bơ̆n, lu nhôn ưh kơ đei achăng lê̆ Sư; lu 'bok soi bơ̆jang kơ Kră Yang tă kơ kon sâu Arôn păng lu bơngai Lêwi bơ̆jang tơdrong jang lu sư.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Êsai 46:4

Dĭng truh kơ iĕm kră krŭng Inh kư̆m oei Kră Yang lei-lăi. Truh tơ iĕm sŏk ko go kơdŭ Inh kư̆m oei pôk kơ'mĭn lu iĕm Inh pơjing bơih lu iĕm, na gô pŭ pôk lu iĕm, Inh gô pôk kơ'mĭn păng pơklaih lu iĕm.

Both 29:2

Môis krao đĭ bơngai Isơrael khan kơ lu sư: Lu iĕm hlôi 'bôh boih dôm tơdrong Kră Yang pơm lăm dêh Êyiptơ 'bơ̆t tơm măt iĕm kơ Pharaôn kơ đĭ bơngai jang kơ sư păng lăm dêh sư.

Both 32:9

Gah Kră Yang noh kon pơlei Sư, Jakôp noh gah Sư.

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Jôsuê 24:16

Mă-lei kon pơlei tă kơ tơl: “Lu nhôn pơkă ưh kơ wă weh achăng Kră Yang păng kư̆m ưh kơ wă kơkuh kơ yang nai ôh.

Jôsuê 24:18

Kră Yang đei pơpuh tơweh boih 'bơ̆t anăp lu nhôn lu adrĕch adrung, kon pơlei Amôrit mă oei lăm char 'nâu lu nhôn wă chu yom kơ Kră Yang, yua kơ Sư boih Kră Yang 'Bok Kei-Dei lu nhôn.”