Jôsuê 23:7 - Sơ̆p Hlabơar Nơ̆r 'Bok Kei-Dei

⁷ Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Jôsuê 23:7 Iomraidhean Croise

II Pot 17:12

Lu sư kơkuh kơ lu rup yang mă Kră Yang khă bơih lu sư: “Lu iĕm 'nĕ kơkuh kơ lu sư.”

II Pot 5:18

Apinh Kră Yang mơnat pă jô̆ yo kơ inh minh tơdrong 'nâu đĕch: Rim wơ̆t yŏng tơ'ngla inh, mơ̆t lăm hnam yang Rimôn wă kơkuh kơ yang ei, dui ba kơkŏng ti inh, na mưh sư kơkuh, inh kư̆m drap kơkuh thoi sư mơ̆n. Thoi noh, apinh Kră Yang pă jô̆ kơ inh đĭch đam ih tơdrong noh.

II Ho 7:19

“Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

Horiso 16:4

Tơdrong ơh sơ'ngon lu bơngai pơyơ̆r kiơ̆ yang nai gô rai dêh. Inh ưh kơ pơyơ̆r ôh, pham tơmam soi kơ lu sư.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Le 23:33

'Nĕ ăn lu sư oei lăm char iĕm ôh, hli kơ lu sư pơhlŭ iĕm pơm yoch hăm Inh na kơkuh kơ yang lu sư; tơdrong noh gô pơm hơđong đăk kơ iĕm.

Tơdrông Pơđơk 4:14

'Nĕ kơ mơ̆t kiơ̆ ôh lăm trong lu bơngai pơm kơnê̆, Păng 'nĕ kơ yak năm lăm trong lu bơngai pơm kư̆ kă.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Jo 32:38

pơlei Nêbô, pơlei Baal Mêôn, anăn kơ rim pơlei sư đei tơplih păng Sipma; păng krao anăn plơ̆ng pơlei ayơ mă lu sư đei pơdơ̆ng,

Jo 33:55

Tơdah lu iĕm ưh kơ đei puh tơweh lu kon pơlei oei lăm tơring char noh đơ̆ng anăp iĕm, na lu bơngai mă lu iĕm oei rong lê̆ gô nhen thoi 'long suĕng trŏ lăm măt, kư̆m thoi jơla trŏ kơiĕng lu iĕm, lu sư gô pơrŭng lu iĕm bơngai mă oei lăm char sư noh;

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Both 6:14

'Nĕ kơ kiơ̆ lu yang nai, lu yang mă lu adrĕch adrung oei jum dăr kơ iĕm.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

Jôsuê 23:8

Mă-lei iĕm athei tơ'bưh 'mêm kơ Kră Yang 'Bok Kei-Dei lu iĕm, trŏ thoi lu iĕm đei pơm boih đơ̆ng sơ̆ khơ̆ năr 'nâu.