Jôsuê 23:2 - Sơ̆p Hlabơar Nơ̆r 'Bok Kei-Dei

² Jôsuê krao akŭm đĭ-đăng lu kră pơlei Isơrael, lu kră pơgơ̆r, lu kră sek tơlang păng lu yŏng pơgơ̆r linh na khan: Inh đĭ kră boih, arih sot, sơnăm đĭ lơ.

Jôsuê 23:2 Iomraidhean Croise

I Pot 1:1

Pơtao Đawit đĭ kră sơnăm đĭ kơjung boih, mă khan đe pơhrŭk ăn hơbĕn ao kơ sư lơ hơdôm blah ră mă-lei sư oei ưh kơ tơnŏ.

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Ho 23:2

Sư krao akŭm đĭ lu kră pơgơ̆r bơngai Isơrael, lu 'bok soi păng bơngai Lêwi.

I Ho 27:27

Simei, bơngai Rama wei-lăng lu pơgar hơmu; Sapđi bơngai Sipha, wei-lăng hnam hmĕt sik hơmu đơ̆ng pơgar hơmu;

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

Both 31:28

Krao pơpôi akŭm bĕ lu kră đơ̆ng rim khŭl adrĕch adrung lu iĕm păng lu kră pơgơ̆r lu iĕm, đơ̆ng rim kơ adrĕch bơngai; wă kơ inh roi kơ lu sư kơtơ̆ng mơ̆ng lăm đon lu sư dôm lu nơ̆r 'nâu păng Inh wă apinh plĕnh păng teh pơm kơdranh chrih blah plơ̆ hăm lu sư.

Jôsuê 13:1

Jôsuê kră boih, arih sot lơ sơnăm Kră Yang khan kơ sư: Ih kră boih, oei đei lơ dêh char ưh tam mă blah iŏk.

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

I Sam 12:2

Đơ̆ng năr âu pơtao noh gô pơgơ̆r lu iĕm. Gah inh đĭ kră bơih, sŏk ko bơih, mă-lei lu kon drŏ-nglo inh oei hơdai lu iĕm. Inh đei pơgơ̆r lu iĕm đơ̆ng inh oei tơdăm sơ̆ khơ̆ dang ei.