Jôsuê 23:11 - Sơ̆p Hlabơar Nơ̆r 'Bok Kei-Dei

¹¹ Mă-lei athei kơchăng hơđơ̆ng iŏk đon băt 'mêm kơ Kră Yang 'Bok Kei-Dei lu iĕm.

Jôsuê 23:11 Iomraidhean Croise

Le 20:6

păng gô 'mêm dôm rơbâu jơhnơr kơ bơngai bu 'mêm kơ Inh păng wei răk khôi juăt Inh tơtă.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,