Jôsuê 22:9 - Sơ̆p Hlabơar Nơ̆r 'Bok Kei-Dei

⁹ Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.

Jôsuê 22:9 Iomraidhean Croise

II Sam 2:9

Apner pôk Isbôset pơm pơtao tơring Gileat, kon pơlei Asuri, tơring Jêsreel, Êphraim, Bênjamin, păng đĭ char Isơrael.

I Ho 5:9

Gah hơlĕch sư oei tơ char glă mă să truh tơ đak Krong Ơphrat, yua kơ khŭl sem dơrong lu sư chek hrôh rai lơlap lơlang lăm dêh Gileat.

Horiso 60:7

Gileat gah inh, Manase kư̆m lei lai; Êphraim môk kơlăm pĕng kơ̆l inh. Juđa jơ̆ 'long jra pơtao inh.

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Jo 32:20

Môis tơl lu sư khan: Tơdah lu iĕm pơm thoi noh, tơdah chĕp đao kơtuang wă năm tơblah 'bơ̆t anăp Kră Yang,

Jo 32:22

păng tơdah dơning dơmônh char 'nâu blah iŏk 'bơ̆t anăp Kră Yang boih, iĕm wih brŏk 'bơ̆t anăp Kră Yang hăm kon pơlei Isơrael, lu iĕm ưh pă đei pơma kiơ păng teh âu gô jing teh iĕm jang sa 'bơ̆t anăp Kră Yang.

Jo 32:26

Kon hơ'lơ̆p, lu akăn nhôn, khŭl triu păng đĭ-đăng lu sem dơrong lu nhôn gô oei tơ lăm pơlei tih tơ tơring char Gileat âu;

Jo 32:29

na khan: Tơdah kon sâu Gat păng kon sâu Rubên chĕp đao hơlă tŏk găn đak Krong Jôrđăn hăm lu iĕm wă năm tơblah 'bơ̆t anăp Kră Yang păng tơdah dêh char noh jei lu iĕm, lei lu iĕm athei ăn kơ lu sư teh tơring Gileat jing teh lu sư jang sa.

Both 3:18

Kơplah noh, inh tơtă kơ lu iĕm, khan, Kră Yang 'Bok Kei-Dei lu iĕm jao boih dêh âu kơ lu iĕm iŏk bơ̆jang sa; đĭ-đăng lu bơngai nuih kơtang lu iĕm athei chĕp đao hơlă yak năm adrol kơ lu 'nhŏng oh bơ̆n, kon pơlei Isơrael.

Both 3:20

Dĭng mă Kră Yang ăn 'nhŏng oh lu iĕm đei tơdrong pơdơh hiôk thoi bơ̆n păng lu 'nhŏng oh iĕm kư̆m gơh iŏk boih dêh mă Kră Yang 'Bok Kei-Dei lu iĕm ăn kơ lu sư tơ gah pah to đak Krong Jôrđăn; klaih kơ noh đĭ-đăng kơ lu iĕm gơh wih brŏk bơ̆jang sa mă teh inh đei ăn boih kơ lu iĕm.

Both 34:1

Đơ̆ng tơmăn glă char Môap, Môis tŏk tơ kông Nêbô, tơ kơ̆l kông Pisga, tơklă anăp pơlei Jêrikô; đơ̆ng noh Kră Yang ăn kơ sư lăng 'bôh jơ̆p kơ dêh char, đơ̆ng Gileat truh tơ char Đan;

Jôsuê 13:11

teh đak noh đĭ đơ̆ng dêh Char Gileat, dêh char kon pơlei Gêsur păng kon pơlei Makatit, đĭ kơ kông Hermôn păng đĭ-đăng kơ char Basan truh tơ Salêka,

Jôsuê 13:25

Teh lu adrĕch Jaser, đĭ-đăng pơlei char Gileat păng minh puăt char kon pơlei Ammôn, truh tơ pơlei Arôe jê̆ pơlei Rapba;

Jôsuê 13:31

Minh puăt char Gileat, pơlei Astarôt, pơlei Êdrei, ('bar tŏ pơlei noh lăm char Ok lăm tơring Basan), pơlei âu đei asong ăn kơ kon sâu Makir, kon drŏ-nglo Manase, wă khan minh puăt lu kon drŏ-nglo Makir kiơ̆ kơ adrĕch adrung lu sư.

Jôsuê 22:10

Kơplah lu sư truh tơ pơlei Geliôt jê̆ Krong Jôrđăn lăm char Kanaan, lu bơngai Rubên, bơngai Gat păng minh puăt adrĕch Manase pơm chơnang soi tih tơ jê̆ đak Krong Jôrđăn;

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

Lu 5:17

Adrĕch Gileat lu sư oei oei tơ pah to đak Krong Jôrđăn; Bĕ Đan liơ ih oei bơsuơ̆t tơ lăm lu duk? Aser ngôi mơng 'bơ̆t cheng đak dơsĭ, oei pơdơh lăm anih duk pơdơh.