Jôsuê 22:5 - Sơ̆p Hlabơar Nơ̆r 'Bok Kei-Dei

⁵ Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

Jôsuê 22:5 Iomraidhean Croise

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Horiso 78:7

Wă kơ lu sư đei jơhngơ̆m băt gơnang kơ Kră Yang 'Bok Kei-Dei. Wă huay kơ hiơt kơ dôm tơdrong Kră Yang đei pơm. Păng wei răk dôm nơ̆r Sư tơtă.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Le 20:6

păng gô 'mêm dôm rơbâu jơhnơr kơ bơngai bu 'mêm kơ Inh păng wei răk khôi juăt Inh tơtă.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Le 23:25

Iĕm athei kơkuh kơ Kră Yang 'Bok Kei-Dei iĕm; sư Kră Yang gô tơgŭm iĕm tơmam sŏng sa, ăn kơ iĕm liĕm akâu păng huay kơ đei jĭ jăn.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Luka 1:74

wă kơ pơklaih bơ̆n đơ̆ng dôm lu bơngai mă ayăt kơ bơ̆n. Na Sư wă kơ bơ̆n jang tơdrong Sư huay kơ hli,

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 11:22

Tơdah lu iĕm kơchăng wei răk păng pơm kiơ̆ đĭ dôm nơ̆r tơtă, mă inh bơtho boih kơ lu iĕm athei, 'mêm kơ Kră Yang 'Bok Kei-Dei lu iĕm, yak kiơ̆ trong Sư păng oei pơgơ̆p kơjăp hăm Sư.

Both 13:4

Lu iĕm athei yak kiơ̆ Kră Yang 'Bok Kei-Dei lu iĕm păng hli yom kơkuh kơ Sư, wei răk dôm nơ̆r Sư tơtă, mơ̆ng kiơ̆ nơ̆r Sư khan, bơ̆jang kơ Sư păng pơgơ̆p kơjăp hăm Sư.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 4:4

Bơngai bu oei kiơ̆ Kră Yang 'Bok Kei-Dei lu iĕm kơjăp, oei arih ngăl truh năr âu.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 5:10

Păng gô 'mêm kơ lu bơngai mă 'mêm kơ Inh păng wei răk dôm lu nơ̆r Inh tơtă truh kơ rơbâu jơhnơr.

Both 6:17

Athei kơchăng wei răk dôm lu nơ̆r Kră Yang tơtă păng nơ̆r Sư tơbăt, khôi juăt Sư mă inh đei bơtho ăn kơ iĕm.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Jôsuê 23:8

Mă-lei iĕm athei tơ'bưh 'mêm kơ Kră Yang 'Bok Kei-Dei lu iĕm, trŏ thoi lu iĕm đei pơm boih đơ̆ng sơ̆ khơ̆ năr 'nâu.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

I Sam 12:20

Samuel tơl kon pơlei: 'Nĕ kơ hli. Tơpă iĕm đei pơm dôm tơdrong yoch âu; mă-lei 'nĕ kơ achăng Kră Yang, athei đĭ jơhngơ̆m chu kiơ̆ kơ Kră Yang.

I Sam 12:24

Athei băt hli yom kơ Kră Yang đĕch, đĭ jơhngơ̆m bơ̆jang kơ Sư; lu iĕm athei 'blŏk dôm tơdrong Sư pơm tih dêh kơ lu iĕm ưh kơ băt dang yơ!

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.