Jôsuê 22:34 - Sơ̆p Hlabơar Nơ̆r 'Bok Kei-Dei

³⁴ Thoi noh lu bơngai Rubên păng bơngai Gat anăn chơnang soi noh Êt wă khan tơbăt pơsĭt tŏk-bŏk lu bơ̆n noh Kră Yang 'Bok Kei-Dei tơpă.

Jôsuê 22:34 Iomraidhean Croise

Bl 31:47

La'ban anăn pôi tơmo noh Jêgar Sahaduta,a Jêgar Sahaduta kiơ̆ kơ nơ̆r Aram khan pôi tơmo sĭt Galet kiơ̆ kơ nơ̆r Hêbrơ wă khan pôi tơmo sĭt gah Jakôp krao anăn Galet b

Bl 31:48

La'ban khan thoi âu: Pôi tơmo âu wă pơsĭt kơ ba. Thoi noh lu sư krao anăn Galet.

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

Êsai 19:19

Lăm năr noh gô đei minh pôm chơnang soi kơ Kră Yang tơ lăm dêh Êyiptơ. Păng đei minh pôm jrăng man 'blŏk kơ Kră Yang tơ jih hơdral teh đak noh.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Jôsuê 22:27

Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.