Jôsuê 22:29 - Sơ̆p Hlabơar Nơ̆r 'Bok Kei-Dei

²⁹ Dang ei lu nhôn ưh kơ đei layơ ayăt kơ Kră Yang păng ưh achăng lê̆ Kră Yang, na khan pơm chơnang soi plơ̆ng pha kơ chơnang soi Kră Yang 'Bok Kei-Dei lu bơ̆n, dan 'bơ̆t anăp bơsŭn anih akŭm wă pơyơ̆r tơmam soi 'buh, tơmam soi phe 'ba păng lu tơmam soi nai.

Jôsuê 22:29 Iomraidhean Croise

Bl 44:17

Mă-lei Jôsep tơl lu sư: Inh ưh kơ wă pơm tơdrong thoi noh! Bơngai bu mă đei chă 'bôh kơchŏk tơ lăm 'bi sư, bơngai noh đĕch jing đĭch đam inh; na lu bơngai nai brŏk bĕ tơ hnam 'bă hiôk-hian.

Bl 44:7

Lu 'nhŏng oh sư tơl: Yua kơ kiơ yŏng nhôn pơma thoi noh? Lu nhôn ưh kơ lah pơm thoi noh ôh.

I Pot 21:3

Mă-lei Nabôt khan kơ Ahap: “Apinh Kră Yang wei 'nĕ ăn inh ăn kơ ih tơmam đơ̆ng 'bok kơdră inh.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

Rom 3:6

Dah bơ̆n khan 'Bok Kei-Dei sek tơlang ưh kơ tơpăt, lei thoi yơ jơ̆p kơ teh đak chu kơ Sư sek tơlang mơ̆n.

Rom 6:2

Yua kơ bơ̆n bơngai dang lĕ kơ lôch boih, liơ gơh pơm yoch dơ̆ng?

Rom 9:14

Bơ̆n 'bôh 'Bok Kei-Dei ưh kơ 'mêm kơ bre noh dang ăi, mă-lei bơ̆n 'nĕ tơchĕng khan 'Bok Kei-Dei ưh kơ tơpăt.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Jôsuê 22:23

Tơdah lu nhôn pơm chơnang soi kơdih wă weh đơ̆ng Kră Yang, đei pơyơ̆r tơmam soi 'buh, tơmam soi phe 'ba, pơyơ̆r tơmam soi 'blŏk bơnê hiôk-hian tơ noh, apinh Kră Yang sek tơlang kơ lu nhôn.

Jôsuê 22:26

Yua kơ noh lu nhôn khan: Lu bơ̆n athei pơm chơnang soi ưh kơ trŏ wă pơyơ̆r tơmam soi 'buh dah pơyơ̆r tơmam soi nai.

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!

Jôsuê 22:30

Kơplah 'bok soi Phinêhas păng lu kră pơgơ̆r lăm khŭl tơpôl, wă khan lu kră Yŏng kơdră kon pơlei bơngai Isơrael mơ̆ng nơ̆r bơngai Rubên, bơngai Gat păng minh puăt bơngai Manase pơma lu sư lăp đon.

Jôsuê 24:16

Mă-lei kon pơlei tă kơ tơl: “Lu nhôn pơkă ưh kơ wă weh achăng Kră Yang păng kư̆m ưh kơ wă kơkuh kơ yang nai ôh.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.