Jôsuê 22:28 - Sơ̆p Hlabơar Nơ̆r 'Bok Kei-Dei

²⁸ Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!

Jôsuê 22:28 Iomraidhean Croise

Bl 31:48

La'ban khan thoi âu: Pôi tơmo âu wă pơsĭt kơ ba. Thoi noh lu sư krao anăn Galet.

II Pot 16:10

Na Ahas năm tơ pơlei Đamas wă sơng Tiglat Pilêser pơtao đe Asiri. Ahas 'bôh minh pôm chơnang soi tơ lăm pơlei Đamas păng chhơ̆ iŏk rup chơnang soi noh trŏ thoi đêl đe pơm sư, gơih ăn kơ 'bok soi anăn Uria.

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Êsai 19:19

Lăm năr noh gô đei minh pôm chơnang soi kơ Kră Yang tơ lăm dêh Êyiptơ. Păng đei minh pôm jrăng man 'blŏk kơ Kră Yang tơ jih hơdral teh đak noh.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Jôsuê 22:27

Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

Jôsuê 22:29

Dang ei lu nhôn ưh kơ đei layơ ayăt kơ Kră Yang păng ưh achăng lê̆ Kră Yang, na khan pơm chơnang soi plơ̆ng pha kơ chơnang soi Kră Yang 'Bok Kei-Dei lu bơ̆n, dan 'bơ̆t anăp bơsŭn anih akŭm wă pơyơ̆r tơmam soi 'buh, tơmam soi phe 'ba păng lu tơmam soi nai.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.