Jôsuê 22:27 - Sơ̆p Hlabơar Nơ̆r 'Bok Kei-Dei

²⁷ Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

Jôsuê 22:27 Iomraidhean Croise

Bl 31:48

La'ban khan thoi âu: Pôi tơmo âu wă pơsĭt kơ ba. Thoi noh lu sư krao anăn Galet.

Bl 31:52

Pôi tơmo 'nâu păng jrăng 'nâu wă pơm kơdranh thoi âu: Inh ưh kơ gơh yak hloh kơ tơmo âu, wă năm tơ ih, ih kư̆m ưh kơ gơh yak hloh kơ tơmo âu wă truh tơ inh, dah đei tơdrong wă pơrăm băl.

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Êsai 19:19

Lăm năr noh gô đei minh pôm chơnang soi kơ Kră Yang tơ lăm dêh Êyiptơ. Păng đei minh pôm jrăng man 'blŏk kơ Kră Yang tơ jih hơdral teh đak noh.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Jôsuê 22:10

Kơplah lu sư truh tơ pơlei Geliôt jê̆ Krong Jôrđăn lăm char Kanaan, lu bơngai Rubên, bơngai Gat păng minh puăt adrĕch Manase pơm chơnang soi tih tơ jê̆ đak Krong Jôrđăn;

Jôsuê 22:26

Yua kơ noh lu nhôn khan: Lu bơ̆n athei pơm chơnang soi ưh kơ trŏ wă pơyơ̆r tơmam soi 'buh dah pơyơ̆r tơmam soi nai.

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!

Jôsuê 22:34

Thoi noh lu bơngai Rubên păng bơngai Gat anăn chơnang soi noh Êt wă khan tơbăt pơsĭt tŏk-bŏk lu bơ̆n noh Kră Yang 'Bok Kei-Dei tơpă.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.