Jôsuê 22:24 - Sơ̆p Hlabơar Nơ̆r 'Bok Kei-Dei

²⁴ Ưh! Lu nhôn đei đon pơm thoi noh yua kơ lu nhôn hli kon sâu lu 'nhŏng oh ning-mônh pơma khan kơ lu kon sâu nhôn lu iĕm đei kiơ hăm Kră Yang 'Bok Kei-Dei Isơrael?

Jôsuê 22:24 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Bl 30:33

Na ih năm lăng lăng tơmam ih apah, jơhngơ̆m tơpăt inh gô pơm kơdranh 'bơ̆t anăp mih. Tơdah gah inh bơbe dah triu ayơ mă ưh kơ 'brông dah ưh kơ đei sŏk găm, gô jô̆ inh tơtông.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Both 6:20

Ning-mônh, dah đei kon sâu iĕm jet: Dôm lu khôi juăt, tơdrong juăt păng nơ̆r tơtă 'nâu, mă Kră Yang 'Bok Kei-Dei lu bơ̆n tơtă wă khan kiơ?

Jôsuê 22:23

Tơdah lu nhôn pơm chơnang soi kơdih wă weh đơ̆ng Kră Yang, đei pơyơ̆r tơmam soi 'buh, tơmam soi phe 'ba, pơyơ̆r tơmam soi 'blŏk bơnê hiôk-hian tơ noh, apinh Kră Yang sek tơlang kơ lu nhôn.

Jôsuê 22:25

Ơ kon sâu Rubên, kon sâu Gat, Kră Yang ăn đak Krong Jôrđăn găn hơdral lu iĕm; hăm lu nhôn lu iĕm ưh kơ đei kiơ hăm Kră Yang! Lei kon sâu lu iĕm gô pơm kơ kon sâu lu nhôn ưh pă hli yom kơ Kră Yang.

Jôsuê 4:6

Tơdrong noh wă pơm tơdra tŏk-bŏk lu iĕm. Ning-mônh, tơdah lu kon sâu iĕm đei jet: Lu tơmo âu wă khan kiơ?