Jôsuê 22:19 - Sơ̆p Hlabơar Nơ̆r 'Bok Kei-Dei

¹⁹ Tơdah teh lu iĕm iŏk kơnê̆ ưh kơ 'lơ̆ng, năm bĕ tơ teh Kră Yang đei pơkă ăn, pơm bơsŭn anih akŭm Kră Yang, na chĕng iŏk teh noh oei păng 'nĕ pơjing chơnang soi kơdih ayăt kơ Kră Yang 'Bok Kei-Dei lu bơ̆n.

Jôsuê 22:19 Iomraidhean Croise

II Ho 11:13

Lu 'bok soi hăm lu bơngai Lêwi đơ̆ng jơ̆p-jang lăm char Isơrael, wih brŏk kiơ̆ Rêhôbôam,

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Da 10:13

Mă-lei pơtao dêh char Pherơsơ găn inh lăm 'bar-jĭt mônh năr; mă-lei, 'nâu, Mikael mă minh lăm lu Linh jang Tih hloh, đei truh păng tơgŭm inh boih păng inh oei tơ noh hăm lu pơtao Pherơsơ.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 22:11

wă kon pơlei Isơrael kơtơ̆ng khan lu bơngai Rubên, bơngai Gat păng minh puăt adrĕch Manase, pơm chơnang soi tơ Krong Jôrđăn lăm char Kanaan lăm teh kon pơlei Isơrael gah bơmơ̆t,