Jôsuê 22:15 - Sơ̆p Hlabơar Nơ̆r 'Bok Kei-Dei

¹⁵ Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

Jôsuê 22:15 Iomraidhean Croise

I Ho 21:3

Mă-lei Jôap khan: “Apinh Kră Yang pơthim kon pơlei pơla Sư minh-hrĕng wơ̆t lơ hloh! Ơ yŏng pơtao inh, ưh kơ trŏ đĭ-đăng lu sư jing kon pơlei ih hă? Yua kơ kiơ ih wă pơm tơdrong âu? Ih wă kơ bơngai Isơrael pơm yoch hă?”

II Ho 10:19

Lei na adrĕch Isơrael areh blah hăm adrĕch Đawit dĭng truh tơ dang ei.

II Ho 25:27

Đơ̆ng chăl Amasia achăng lê̆ Kră Yang, đơ̆ng noh na đei đe pơđâu wă pơm kơnê̆ kơ sư tơ pơlei Jêrusalem, sư kơdâu ôn tơ pơlei Lakis; đe druh sư păng pơlôch hloi sư tơ noh.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

II Ho 28:13

Na lu sư khan: “Iĕm 'nĕ kơ tơmơ̆t lu bơnă tơ âu; Kơnh lu bơ̆n gô pơm yoch hăm Kră Yang, lu iĕm wă pơklăm thim tơdrong yoch lu bơ̆n rai dêh, yua kơ tơdrong yoch bơ̆n tih dêh boih na Kră Yang hil mĭl tơtŏ dêh truh kơ bơngai Isơrael.”

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Lêwi 26:40

Kơplah noh sư gô roi tơdrong yoch sư kơdih păng roi tơdrong yoch lu yă 'bok sư, dôm tơdrong sư đei pơm glăi păng tơdrong sư pơm tơwih plơ̆ kơ Inh.

Lêwi 5:19

Noh jơ̆ tơmam soi sơmah huai đơ̆ng yoch yua kơ sư đei pơm yoch hăm khôi juăt, sư pơm yoch boih 'bơ̆t anăp Kră Yang.

Jo 14:43

To, kon pơlei Amalek păng kon pơlei Kanaan oei 'bơ̆t anăp iĕm, lu iĕm gô pơ̆k lôch kơ đao gưm đĭ, yua kơ lu iĕm blah Kră Yang boih, Kră Yang ưh kơ oei hơdai iĕm.

Jo 32:15

Tơdah lu iĕm achăng lê̆ Sư, na Sư lê̆ lu adrĕch 'nâu oei hơnơ̆ng lăm char glă păng lu iĕm pơm ăn kơ adrĕch âu lôch đĭ.

Jo 5:6

Ih khan bĕ kơ lu bơngai Isơrael: Tơdah đei minh 'nu drŏ-nglo dah bơngai drŏ-kăn pơm tơdrong yoch mă kon bơngai ngăl juăt kơ pơm, pơm glăi kơ Kră Yang jô̆ bơngai noh pơm yoch;

Mathiơ 18:17

Dah sư ưh tam mă chu kơ lu bơngai kơdranh pơma lei iĕm khan kơ lu bơngai mă akŭm lăm hnam 'Bok Kei-Dei. Dah sư oei sơngah ưh kơ chu kơ lu bơngai akŭm lăm hnam 'Bok Kei-Dei lei iĕm lăng sư thoi bơngai tơmoi khŭl nai păng thoi bơngai iŏk jên thuê̆ đĕch.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 5:4

Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

Both 30:17

Mă-lei dah jơhngơ̆m iĕm tơplih sơngah, kuă kơ mơ̆ng kră kơ pơm kiơ̆, na chu đe pơhlŭ kŭp kơ̆l kơkuh kơ lu yang nai,

Both 7:4

Yua kơ lu adrĕch 'nâu gô pơhlŭ kon drŏ-nglo ih, achăng lê̆ Inh, na awih awăn kơ lu yang nai, đơ̆ng noh kơnh Kră Yang gô hil mĭl kơ iĕm, na sư gô pơlôch ih hloi.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Jôsuê 22:12

đĭ-đăng khŭl akŭm kon pơlei Isơrael, đei akŭm băl tơ Silô pơđâu wă blah lu adrĕch 'nâu.

Jôsuê 22:14

đei mơjĭt 'nu kră kơdră kiơ̆, lăm minh adrĕch minh 'nu lăm adrĕch Isơrael.

Jôsuê 22:16

Đĭ-đăng tơpôl kon pơlei Kră Yang đei jet: Liơ na lu iĕm pơm glăi hăm Kră Yang 'Bok Kei-Dei Isơrael thoi noh? Yua kơ kiơ lu iĕm achăng lê̆ Kră Yang? Na pơm chơnang soi kơdih wă blah Kră Yang.

Jôsuê 22:18

Na dang ei lu iĕm pơ̆n achăng lê̆ Kră Yang hă? Tơdah năr 'nâu lu iĕm hơyăt kơ Kră Yang, dơning Kră Yang gô hil mĭl kơ khŭl tơpôl Isơrael.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.