Jôsuê 22:11 - Sơ̆p Hlabơar Nơ̆r 'Bok Kei-Dei

¹¹ wă kon pơlei Isơrael kơtơ̆ng khan lu bơngai Rubên, bơngai Gat păng minh puăt adrĕch Manase, pơm chơnang soi tơ Krong Jôrđăn lăm char Kanaan lăm teh kon pơlei Isơrael gah bơmơ̆t,

Jôsuê 22:11 Iomraidhean Croise

Yo 1:28

Lu bơngai ei jet Yôhan gah tơdrong âu tơ Pơlei Bethani, pah to krong Jôrđăn mă đêl anih Yôhan pơm kơ đe 'batem.

Yo 20:1

Tơ pơgê hrôih năr mă mônh lăm giĕng, oei măng mu, Mari Pơlei Mađơla năm tơ bơsat Yêsu. Truh tơ bơsat sư 'bôh tơmo tơgrŏl lê̆ boih đơ̆ng 'măng bơsat.

Yo 20:12

Sư 'bôh 'bar 'nu linh jang 'lơ̆ng 'Bok Kei-Dei hrŭk ao kok tơoei 'bơ̆t anih mă đêl đe tơ'bĭch atâu Yêsu, minh 'nu 'bơ̆t jơ̆ng, minh 'nu 'bơ̆t kơ̆l.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Jôsuê 2:7

lu bơngai druh 'moi rok trong truh tơ đak Krong Jôrđăn anih đơng 'biơ̆. Lăp lu sư năm 'nao hlôi kơ pơlei, 'măng dur đe tang hloi.

Jôsuê 22:10

Kơplah lu sư truh tơ pơlei Geliôt jê̆ Krong Jôrđăn lăm char Kanaan, lu bơngai Rubên, bơngai Gat păng minh puăt adrĕch Manase pơm chơnang soi tih tơ jê̆ đak Krong Jôrđăn;

Jôsuê 22:16

Đĭ-đăng tơpôl kon pơlei Kră Yang đei jet: Liơ na lu iĕm pơm glăi hăm Kră Yang 'Bok Kei-Dei Isơrael thoi noh? Yua kơ kiơ lu iĕm achăng lê̆ Kră Yang? Na pơm chơnang soi kơdih wă blah Kră Yang.

Jôsuê 22:19

Tơdah teh lu iĕm iŏk kơnê̆ ưh kơ 'lơ̆ng, năm bĕ tơ teh Kră Yang đei pơkă ăn, pơm bơsŭn anih akŭm Kră Yang, na chĕng iŏk teh noh oei păng 'nĕ pơjing chơnang soi kơdih ayăt kơ Kră Yang 'Bok Kei-Dei lu bơ̆n.

Lu 12:5

Lu bơngai Gileat blah iŏk dôm tŏ anih tơnŏk đơ̆ng tŏk kơ đak Krong Jôrđăn wă brŏk tơ Êphraim, tơdah đei lu bơngai Êphraim apinh khan: Apinh ăn kơ inh tŏk tơ pah to, đei lu bơngai Gileat apinh sư: “Ih hăm trŏ bơngai đơ̆ng Êphraim ưh?” Dah bơngai noh tơl: “Ưh ôh.”