Jôsuê 21:8 - Sơ̆p Hlabơar Nơ̆r 'Bok Kei-Dei

⁸ Kon pơlei Isơrael đei hlang lăng ăn kơ bơngai Lêwi lu pơlei tih păng teh jum dăr pơlei, đei tơmăn 'nhĕt kiơ̆ kơ Kră Yang đei tơtă ăn kơ Môis.

Jôsuê 21:8 Iomraidhean Croise

Bl 49:5

Simêôn păng Lêwi noh 'nhŏng oh minh pôm mĕ 'bă. Khêl đao lu sư yua wă pơm kơnê̆.

Bl 49:7

Trŏ kơ hiap tơpă mưh lu sư hil yua kơ tơdrong noh 'mê̆ brư̆ tơpă. Inh gô pơm kơ lu sư tơklah tơklang đơ̆ng lăm adrĕch Jakôp. Tơklah lê̆ lu sư đơ̆ng lăm kon pơlei Isơrael.

Tơdrông Pơđơk 16:33

Đe hlang lăng iŏk đơ̆ng kơpal tơdrơi ao. Mă-lei dôm tơdrong trŏ dah glăi tă lĕch đơ̆ng Kră Yang ngăl.

Tơdrông Pơđơk 18:18

Hlang lăng gơh pơtôch tơdrong pơjah. Plah 'bar pah pran huay pă pơjah.

Jo 32:2

Na năm khan kơ Môis, Êlêasar 'bok soi păng bơngai pơgơ̆r Isơrael thoi âu:

Jo 33:54

Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

Jo 35:3

Bơngai Lêwi lu sư gô đei oei lăm lu pơlei tih; na teh 'nhĕt tăp dăr kơ pơlei tih noh lê̆ kơ khŭl sem dơrong lu sư sa.

Jôsuê 18:6

Đang kơ lu iĕm chih roi kơ teh asong lăm tơpơh adrĕch noh, na ba hla bơar noh tơ inh; inh gô hlang lăng ăn kơ lu iĕm tơ âu 'bơ̆t anăp Kră Yang 'Bok Kei-Dei lu bơ̆n.

Jôsuê 21:3

Thoi noh kiơ̆ Kră Yang đei tơtă, lei lu kon pơlei Isơrael asong ăn kơ adrĕch bơngai Lêwi pơlei tih păng teh tơmăn 'nhĕt jum dăr pơlei lu sư, đơ̆ng teh jang sa lu sư kơdih.

Jôsuê 21:7

Kon sâu Marari kiơ̆ kơ adrĕch adrung lu sư, đei iŏk mơjĭt-'bar tŏ pơlei đơ̆ng lăm adrĕch Rubên, adrĕch Gat păng đơ̆ng adrĕch Sabulun.

Jôsuê 21:9

Thoi noh kon pơlei Isơrael iŏk đơ̆ng adrĕch Juđa păng adrĕch Simêôn, lu pơlei đei hlang lăng trŏ kơ anăn na asong ăn,