Jôsuê 21:45 - Sơ̆p Hlabơar Nơ̆r 'Bok Kei-Dei

⁴⁵ Lăm dôm nơ̆r 'lơ̆ng mă Kră Yang đei hlôi khan boih kơ adrĕch bơngai Isơrael, ưh kơ đei minh nơ̆r pơkă pơkăm ayơ mă khan ưh kơ jing đĭ-đăng đei pơsĭt ngăl.

Jôsuê 21:45 Iomraidhean Croise

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Pot 8:24

Ih kư̆m wei răk nơ̆r pơkă Ih hăm đĭch đam Ih Đawit 'bă inh trŏ tơpă tơdrong kiơ mă ti mơsêh mơyang Ih pơm keh hloi dang ei.

I Pot 8:56

“Bơnê kơkuh ư-ang kơ Kră Yang mă ăn tơdrong hiôk hơđơ̆ng kơ lu bơngai Isơrael, kiơ̆ thoi dôm nơ̆r ih pơkă! Nơ̆r 'lơ̆ng tơpăt, mă ih yua 'bơ̆r Môis đĭch đam Ih bơtho, Ih khan ưh kơ đei nơ̆r ayơ mă ưh kơ đei pơm pơkeh.

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Êsai 48:3

Inh khan lê̆ đơ̆ng sơ̆ bơih gah dôm tơdrong blŭng-a, dôm tơdrong noh lĕch đơ̆ng 'bơ̆r Inh, Păng Inh wă kơ lu iĕm băt. Na Inh pơm hloi păng dôm tơdrong noh truh hloi.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

I Tes 5:24

'Bok Kei-Dei krao iŏk iĕm Sư wei-lăng iĕm tơpă kư̆m thoi Sư pơkă khan wă wei-lăng.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

I Sam 3:19

Samuel wơ̆ 'lŏ gơh hơgei, Kră Yang oei hơdai sư: Kră Yang ưh kơ đei lê̆ minh nơ̆r hơyơ đơ̆ng Sư mă đei pơma boih. Sư gô pơm keh.