Jôsuê 21:44 - Sơ̆p Hlabơar Nơ̆r 'Bok Kei-Dei

⁴⁴ Thoi noh Kră Yang ăn tơdrong pơdơh, hiôk-hian kiơ̆ thoi Kră Yang đei pơkă pơkăm hăm 'bok păng adrĕch adrung lu sư, ưh kơ đei lu ayăt ayơ mă gơh kĕ tơblah hăm lu sư. Kră Yang jao boih ăn đĭ-đăng lu ayăt lăm tơpang ti lu sư.

Jôsuê 21:44 Iomraidhean Croise

II Ho 13:16

Kon pơlei Isơrael kơdâu kơ kon pơlei Juđa păng Kră Yang 'Bok Kei-Dei jao lu kon pơlei Isơrael lăm ti lu kon pơlei Juđa.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Le 33:14

Kră Yang khan: Inha gô năm hơdai hăm Ih păng Inh gô ăn kơ ih jơhngơ̆m hơđơ̆ng hiôk.

Êsai 63:14

Yang Bơhngol 'Lơ̆ng Kră Yang ăn bơih kơ lu sư pơdơh. Nhen thoi khŭl sem dơrong jur tơ anih thŭng Kră Yang dui ba kon pơlei Sư kư̆m thoi noh. Wă pơm kơ anăn Sư ư-ang.

Both 2:36

Đơ̆ng pơlei Arôe; mă oei tơter thong đak glung Arnôn păng lu pơlei tih oei lăm thŭng truh tơ Gileat, ưh kơ đei minh pôm pơlei tih ayơ mă pơm kơjăp dêh 'bơ̆t anăp lu bơ̆n; Kră Yang 'Bok Kei-Dei lu bơ̆n jao đĭ lu pơlei noh ăn kơ bơ̆n.

Both 21:10

Mưh layơ iĕm tơblah hăm lu bơngai ayăt kơ iĕm păng Kră Yang 'Bok Kei-Dei iĕm pơjao lu sư lăm ti iĕm păng iĕm rôp lu sư pơm bơnă,

Hêbrơ 4:9

'Noh na ahrei Sư wă ăn kơ lu kon Sư mơ̆t pơdơh tơ Sư ling-lang, kư̆m thoi Sư pơdơh kơ tơdrong jang Sư năr tơpơh 'noh sơ̆.

Jôsuê 1:13

'Blŏk bĕ kơ nơ̆r Môis, đĭch đam Kră Yang đei pơkă kơ lu iĕm, sư khan: Kră Yang 'Bok Kei-Dei gô ăn kơ lu iĕm hiôk-hian păng đei pơkă ăn boih kơ lu iĕm teh đak âu.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Jôsuê 11:12

Jôsuê rôp đĭ lu pơtao, koh pơlôch lu sư hăm đao gưm, blah iŏk đĭ pơlei tih lăm char âu kiơ̆ thoi Môis đĭch đam Kră Yang đei tơtă.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 22:9

Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.

Jôsuê 23:1

Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.