Jôsuê 21:43 - Sơ̆p Hlabơar Nơ̆r 'Bok Kei-Dei

⁴³ Thoi noh boih Kră Yang ăn kơ adrĕch Isơrael đĭ char mă Kră Yang pơkă boih kơ adrĕch adrung lu 'bok sư. Kon pơlei Isơrael iŏk klah asong bơ̆jang sa mir 'ba păng oei tơ lăm char noh.

Jôsuê 21:43 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 28:4

Apinh sư ăn kơ e păng adrĕch adrung e đei tơdrong pŭn hiôk đơ̆ng Abraham, wă kơ teh đak e oei dang ei jing anih jang sa, wă khan char mă Sư đei ăn boih kơ Abraham.

II Ho 20:8

Lu sư oei lăm dêh char 'nâu păng pơdơ̆ng pơjing hnam akŭm 'lơ̆ng rơgoh kơ Anăn Ih păng khan:

Ne 9:24

Thoi noh kon sâu lu sư mơ̆t păng iŏk dêh char, Ih pơlung lu kon pơlei dêh Kanaan, pơjao kon pơlei noh păng lu pơtao dêh noh hăm lu kon pơlei lăm tơpang ti lu sư pơgơ̆r mơ̆ng kơ lu sư wă.

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Horiso 105:8

Sư 'blŏk tơdrong pơgơ̆p Sư ling-lang. Sư ưh kơ hiơt tơdrong pơkă pơkăm mă truh rơbâu chăl.

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Jo 33:53

Lu iĕm gô iŏk hloi tơring char noh, oei hloi tơ noh teh noh Inh ăn kơ lu iĕm jang sa.

Jo 34:2

Khan tơbăt kơ kon pơlei Isơrael bĕ tơdrong 'nâu: Lu iĕm gô mơ̆t iŏk dêh char Kanaan jang sa, hơdral kơ dêh char noh thoi âu.

Both 11:31

Lu iĕm tŏk kơ Krong Jôrđăn, wă mơ̆t iŏk dêh mă Kră Yang 'Bok Kei-Dei lu iĕm ăn kơ lu iĕm. Mưh lu iĕm đei iŏk dêh păng bơ̆jang sa păng oei hloi tơ noh,

Both 12:29

Kră Yang 'Bok Kei-Dei iĕm gô pơlôch lu adrĕch adrung mă iĕm wă blah iŏk, na oei hloi tơ lăm dêh lu sư.

Both 17:14

Layơ iĕm mơ̆t truh lăm dêh mă Kră Yang 'Bok Kei-Dei ăn kơ iĕm đei iŏk oei tơ dêh noh boih, na iĕm khan: Lu bơ̆n rơih minh 'nu pơm pơtao wă pơgơ̆r, kư̆m thoi lu adrĕch adrung mă oei jum dăr kơ bơ̆n.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 21:42

Rim pơlei noh đei teh jum dăr pơlei; đei tơmăn 'nhĕt, đĭ-đăng pơlei tih thoi ei ngăl.

Lu 11:24

Hăm trŏ kơ ih đei iŏk kiơ mă đơ̆ng Kêmôs yang ih ăn kơ ih? Kŭm thoi, lu nhôn kư̆m iŏk wei đĭ-đăng char mă đơ̆ng Kră Yang 'Bok Kei-Dei nhôn ăn kơ nhôn.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.