Jôsuê 20:8 - Sơ̆p Hlabơar Nơ̆r 'Bok Kei-Dei

⁸ Gah hơlĕch kơ đak Krong Jôrđăn păng pơlei Jêrikô, lu sư rơih iŏk pơlei Bêser groi glă lăm teh adrĕch Rubên, Ramôt tơ char Gileat; lăm teh adrĕch Gat, pơlei Gôlan tơ char Basan lăm teh adrĕch Manase.

Jôsuê 20:8 Iomraidhean Croise

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

II Pot 8:28

Ahasia sư năm hơdai hăm Jôram kon drŏ-nglo Ahap, năm truh tơ Pơlei Ramôt Gileat wă tơblah hăm Hasael pơtao đe Aram, lu sư tơblah noh, pơtao Jôram rơka.

I Ho 6:78

Đơ̆ng adrĕch Rubên paih to kơ đak Krong Jôrđăn gah hơlĕch, jê̆ Jêrikô pơlei Bêser lăm thŭng dơnă hăm dơnih 'nhĕt sư; pơlei Jasa hăm dơnih 'nhĕt sư.

I Ho 6:80

Păng đơ̆ng adrĕch Gat, lu sư đei pơlei Ramôt lăm tơring Gileat, pơlei Mahanaim,

Both 3:10

Đĭ-đăng lu pơlei tih lăm char glă Gileat păng Basan truh tơ pơlei Salêka păng pơlei Êdrei 'bar tŏ pơlei tih teh đak pơtao Ôk lăm char Basan.

Both 4:43

Noh pơlei Bêser, lăm dêh teh dơnă lê̆ kơ lu adrĕch Rubên; Ramôt lăm tơring Gileat, lê̆ kơ lu adrĕch Gat păng pơlei Gôlan tơring Basan lê̆ kơ adrĕch Manase.

Jôsuê 20:7

Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Jôsuê 20:9

Noh boih lu pơlei lu sư rơih iŏk ăn kơ đĭ-đăng kon pơlei Isơrael păng lu bơngai tơmoi mă oei tơ noh; wă 'măn kơ bơngai bu mă pơlôch 'bơm đe ưh kơ pơrơ̆ng, gơh năm kơdâu ôn tơ noh, wă kơ sư huay kơ đei lôch kơ lu bơngai mă wă pơlôch 'mong pham, adrol kơ sư năm dơ̆ng 'bơ̆t anăp tơpôl khŭl akŭm. Sek tơlang.

Jôsuê 21:27

Ăn kơ kon sâu Gersôn lu adrĕch adrung Lêwi, iŏk đơ̆ng minh puăt lăm adrĕch Manase, pơlei Gôlan lăm char Basan, jing pơlei ôn kơ'nơp kơ lu bơngai mă pơlôch đe hơch 'bơm pơlei Bestêra păng teh jum dăr kơ pơlei đei tơmăn 'nhĕt, đĭ-đăng 'bar tŏ pơlei.

Jôsuê 21:36

Đơ̆ng lăm adrĕch Rubên, iŏk pơlei Bêser păng Jahas

Jôsuê 21:38

Đei iŏk đơ̆ng adrĕch Gat, pơlei Ramôt lăm char Gileat, jing pơm pơlei ôn kơ'nơp kơ lu bơngai bu pơlôch đe hơch 'bơm, Mahanim