Jôsuê 2:4 - Sơ̆p Hlabơar Nơ̆r 'Bok Kei-Dei

⁴ Mă-lei Rahap năm chông ôn lê̆ bre 'bar 'nu bơngai drŏ-nglo noh păng khan: Tơpă đei bre sư truh tơ hnam inh, mă-lei inh ưh kơ băt ôh bre sư đơ̆ng yơ.

Jôsuê 2:4 Iomraidhean Croise

II Pot 6:19

Êlisê khan kơ lu sư: “'Nâu ưh kơ trŏ kơ trong kư̆m ưh kơ trŏ kơ pơlei ôh. Kiơ̆ inh bĕ inh gô chông iĕm tơ bơngai mă iĕm chă 'noh.” Đơ̆ng noh sư chông lu đe ei tơ Pơlei Samari.

Le 1:19

Lu yă kơ'mĭn đe tơpŭ ei tơl: “'Noh yua kơ lu bơngai drŏ-kăn Hêbrơ ưh kơ thoi lu bơngai drŏ-kăn Êyiptơ ôh; lu sư đei jơhngơ̆m pran ngăl lu sư tơpŭ hlôi adrol kơ lu nhôn truh.”

Ya 2:25

Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Jôsuê 2:3

Pơtao pơlei Jêrikô wơh đe năm khan kơ Rahap: Tơlĕch bĕ bre 'bar 'nu bơngai drŏ-nglo mơ̆t lăm hnam ih, yua kơ 'bar 'nu bre noh năm tơ âu wă chop lăng teh đak bơ̆n.

Jôsuê 2:5

Hiưp kơ măng, 'măng dur wă tang, 'bar 'nu bơngai noh lĕch, inh kư̆m ưh kơ băt trong ayơ, jah druh 'moi bre sư, druh 'moi bĕ băt kư̆m tam mơ̆n.

Jôsuê 6:17

Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.

Jôsuê 6:25

Thoi noh Jôsuê wei-lăng tơdrong arih Rahap bơngai drŏ-kăn đi, hăm đĭ-đăng lu bơngai lăm hnam dơnŏ 'bă sư, lu sư oei hơdai hăm lu bơngai Isơrael, truh tơ dang ei, yua kơ sư đei ôn bre bơngai chop lăng, mă Jôsuê wơh năm chop lăng pơlei Jêrikô.