Jôsuê 2:24 - Sơ̆p Hlabơar Nơ̆r 'Bok Kei-Dei

²⁴ Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:24 Iomraidhean Croise

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Tơdrông Pơđơk 25:13

Bơngai đe wơh tơnăp hăm yŏng sư Thoi 'mui prĕl rơngơp bơyan yuă 'ba. Yua kơ pơm kơ bơhngol yŏng tơ'ngla sư hiôk.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Jôsuê 2:23

Bre bơngai chop lăng noh jur đơ̆ng kông wih brŏk, bre sư yak hlôi kơ đak Krong Jôrđăn, truh tơ anih Jôsuê, kon drŏ-nglo Nun, sư roi tôm tơdrong đei truh.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 6:2

Kră Yang khan kơ Jôsuê: Âu Inh jao boih pơlei Jêrikô, pơtao sư păng lu linh nuih pran sư lăm tơpang ti ih.

Jôsuê 8:1

Kơplah noh, Kră Yang khan kơ Jôsuê: Ih 'nĕ kơ hli tơrơ, chông ba đĭ-đăng lu linh hơdai ih, iung năm blah bĕ pơlei Ahi, to Inh jao sư lăm tơpang ti ih, pơtao Ahi, kon pơlei sư, pơlei hăm tơring noh.

Lu 1:2

Kră Yang tơl: Lu bơngai Juđa iĕm boih athei năm adrol; to Inh pơjao boih, dêh char lăm ti lu sư.

Lu 18:10

Mưh lu iĕm năm truh tơ dêh noh lu iĕm gô 'bôh kon pơlei oei hơđơ̆ng rơnŭk rơnua. Dêh 'noh să păng sĭt Kră Yang 'Bok Kei-Dei gô pơjao lăm ti bơ̆n, teh đak ưh kơ đei khăi minh tơmam kiơ.”

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.