Jôsuê 2:23 - Sơ̆p Hlabơar Nơ̆r 'Bok Kei-Dei

²³ Bre bơngai chop lăng noh jur đơ̆ng kông wih brŏk, bre sư yak hlôi kơ đak Krong Jôrđăn, truh tơ anih Jôsuê, kon drŏ-nglo Nun, sư roi tôm tơdrong đei truh.

Jôsuê 2:23 Iomraidhean Croise

Jôsuê 2:22

Bre noh tŏk tơ kông, oei tơ noh pêng năr, dĭng truh tơ lu bơngai druh weh brŏk, lu bơngai druh chă jơ̆p-jang ưh kơ tơ'bơ̆p,

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Lu 18:10

Mưh lu iĕm năm truh tơ dêh noh lu iĕm gô 'bôh kon pơlei oei hơđơ̆ng rơnŭk rơnua. Dêh 'noh să păng sĭt Kră Yang 'Bok Kei-Dei gô pơjao lăm ti bơ̆n, teh đak ưh kơ đei khăi minh tơmam kiơ.”

Lu 18:9

Lu sư tơl: “Bơ̆n athei năm blah lu sư, yua kơ lu nhôn 'bôh boih dêh char 'noh teh 'lơ̆ng. Ô! Lu iĕm năm truh tơ noh ưh kơ đei pơm kiơ hloi hă? Bơ̆n 'nĕ kơ hiơ̆, 'nĕ kơ hli bơ̆n dah blah iŏk teh 'noh.