Jôsuê 2:12 - Sơ̆p Hlabơar Nơ̆r 'Bok Kei-Dei

¹² Dang ei inh bơngai pơm 'lơ̆ng bơih hăm măr iĕm, apinh măr iĕm kư̆m athei pơm 'lơ̆ng kơ hnam dơnŏ 'bă inh, yua anăn Kră Yang pơkă pơkăm bĕ hăm inh păng đei tơdra pơsĭt kơjăp.

Jôsuê 2:12 Iomraidhean Croise

Bl 21:23

Thoi noh, dang ei, pơkă bĕ 'bơ̆t anăp Kră Yang 'Bok Kei-Dei ih ưh pă hơlĕnh kơ inh, kơ kon inh hăm kơ adrĕch inh dơ̆ng. Mă-lei ih athei arih sa mă 'lơ̆ng hăm inh păng char mă ih oei dang ei kư̆m thoi inh oei arih sa hăm ih sơ̆.”

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

Bl 24:9

Đơ̆ng noh, đam sư dan ti 'bơ̆t blu Abraham yŏng tơ'ngla sư păng pơkă gô pơm kiơ̆ thoi nơ̆r sư đei pơma pơkă.

Bl 40:14

Kơna mưh ih đei jang dơ̆ng, ih 'blŏk kơ inh, roi ăn kơ Pharaôn gah tơdrong arih inh păng kư̆m ăn kơ inh lĕch đơ̆ng anih 'nâu.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Esther 8:6

Liơ inh gơh kĕ chu iŏk tơdrong răm truh kơ adrĕch adrung inh? Păng liơ inh gơh kĕ dơ̆ng lăng kon pơlei inh răm rai.

Le 12:13

Pham pik wă kơnăl tơ hnam lu iĕm oei, tơdah Inh 'bôh pham 'noh, lei gô năm yoh, ưh kơ đei tơdrong jĭ apoh truh pơrăm lu iĕm. Kơplah Inh pơrăm dêh Êyiptơ.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Markôs 14:44

Juđa bơngai mă plơ̆ plĕch Yêsu, sư tơbăt ăn kơ lu bơngai mă năm rôp Yêsu thoi âu: “Bơngai mă inh chŭm, bơngai 'noh boih Yêsu; iĕm rôp anhăk Sư mă brĕ hŏ.”

Rom 1:31

Bơ̆n pơm tôm tơdrong kơnê̆ kư̆ kă, đon bơ̆n jing ưh kơ tơpăt nŏng kơ hơlĕnh kơ đe ling-lang, ưh kơ băt mơnat kơ bôl buăl tŏ sĕt.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Jôsuê 2:13

Thoi noh lu iĕm gô lê̆ mĕ 'bă, 'nhŏng oh, mai oh đĭ-đăng kon mon lu sư oei arih, pơklaih lu sư đơ̆ng tơdrong lôch.

Jôsuê 2:18

Layơ lu nhôn mơ̆t tơ âu, ih athei chô̆ brai thêt 'bơ̆t 'măng-'mŏk mă ih đei tơjur nhi, na ih athei krao akŭm, đĭ-đăng mĕ 'bă 'nhŏng oh păng kon mon lăm hnam ih

Jôsuê 2:19

tơdah đei bơngai bu lĕch tơ 'nguaih đơ̆ng 'măng hnam ih, na pham lu sư gô tuh kơpal kơ̆l lu sư kơdih, lei lu nhôn ưh kơ đei yoch ôh, mă-lei tơdah bơngai bu mă pơlôch bơngai oei lăm hnam ih, pham sư gô tuh tơ kơpal kơ̆l lu nhôn.

Jôsuê 6:22

Jôsuê khan kơ bre 'bar 'nu bơngai mă chop lăng pơlei noh: Măr iĕm năm mơ̆t bĕ tơ hnam Rahap drŏ-kăn đi athei lu sư lĕch, thoi măr iĕm mă đei pơkă hăm sư.

Jôsuê 9:15

Jôsuê pơm tơdrong hiôk păng pơgơ̆p hăm lu sư păng lê̆ lu sư oei arih. Lu kră pơgơ̆r lăm khŭl akŭm pơkă pơkăm hăm lu sư.

Lu 1:24

Lu bơngai năm lăng adrol 'bôh minh 'nu lĕch đơ̆ng pơlei, na lu sư khan kơ bơngai ei: Apinh ih tơ'bôh ăn kơ nhôn trong ayơ gơh mơ̆t tơ pơlei na lu nhôn gô mơnat kơ ih.

I Sam 30:15

Đawit jet: Ih hăm wă 'maih chông ba lu nhôn năm truh tơ lu đe noh? Sư tơl khan: Ih athei pao anăn Kră Yang 'Bok Kei-Dei 'mơ̆i na pơkă hăm inh, ih 'nĕ kơ pơlôch inh păng kư̆m 'nĕ kơ jao inh kơ yŏng tơ'ngla inh, na inh gô chông ba ih năm truh tơ lu bơngai tơtông tơgar noh.