Jôsuê 18:8 - Sơ̆p Hlabơar Nơ̆r 'Bok Kei-Dei

⁸ Kơplah lu sư iung yak năm; Jôsuê pơkă kơ lu sư. Lu iĕm athei năm jơ̆p kơ char noh chhơ̆ iŏk rup teh char noh, na wih brŏk tơ inh; inh gô hlang ăn kơ lu iĕm 'bơ̆t anăp Kră Yang tơ pơlei Silô.

Jôsuê 18:8 Iomraidhean Croise

Bl 13:17

Iung bĕ, chă nơnăm jơ̆p kơ lăm dêh char, wơ̆l, tor; yua kơ Inh wă ăn kơ ih dêh char âu.”

Êsai 34:17

Kră Yang hlang lăng bơih ăn kơ lu sư, Ti Kră Yang dăng tơlei klah asong ăn teh âu. Lu sư gô oei tơ noh ling-lang păng oei tơ noh đơ̆ng chăl âu truh chăl nai khŏm khŏm.

Rom 14:19

Yua kơ thoi noh na bơ̆n athei adrin 'biơ̆ tơdrong pơm hiôk kơ bôl buăl hăm 'nhŏng oh bơ̆n kơdih, rai băt tơgŭm băl lui kơjăp.

Jôsuê 13:7

Păng klah asong bĕ char âu kơ tơsĭn tŏ adrĕch, minh puăt lê̆ kơ adrĕch Manase.

Jôsuê 15:1

Teh hlang lăng trŏ kơ adrĕch Juđa, kiơ̆ kơ adrĕch adrung lu sư, să truh tơ char Eđôm lăm char glă Yin tôch tơ gah gơal.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 18:10

Jôsuê hlang lăng kơ lu sư tơ pơlei Silô, 'bơ̆t anăp Kră Yang; tơ noh Jôsuê klah asong char ăn kơ kon pơlei Isơrael, kiơ̆ kơ adrĕch adrung lu sư.

Jôsuê 18:6

Đang kơ lu iĕm chih roi kơ teh asong lăm tơpơh adrĕch noh, na ba hla bơar noh tơ inh; inh gô hlang lăng ăn kơ lu iĕm tơ âu 'bơ̆t anăp Kră Yang 'Bok Kei-Dei lu bơ̆n.

Jôsuê 18:9

Thoi noh lu sư năm jơ̆p kơ char, chhơ̆ rup teh đak lăm sơ̆p hla bơar hơkar ră roi kơ rim pơlei lăm char noh mă asong kơ tơpơh adrĕch, na lu sư wih brŏk tơ Jôsuê oei lăm anih tơ pơlei Silô.

I Sam 14:41

Sôl krao apinh: Ơ Kră Yang 'Bok Kei-Dei Isơrael: Liơ Ih ưh kơ tơl tơwih nơ̆r inh năr âu? Apinh Ih tơ'bôh ăn tơdrong tơpă. Jônathan kon inh pơm yoch dah inh pơm yoch. Apinh Ih ăn kơ Urim; dah kon pơlei pơm yoch Ih ăn thu minh lai Sôl păng Jônathan đei tơhlâu lê̆ boih, mă-lei kon pơlei ưh kơ đei 'bơm.