Jôsuê 18:6 - Sơ̆p Hlabơar Nơ̆r 'Bok Kei-Dei

⁶ Đang kơ lu iĕm chih roi kơ teh asong lăm tơpơh adrĕch noh, na ba hla bơar noh tơ inh; inh gô hlang lăng ăn kơ lu iĕm tơ âu 'bơ̆t anăp Kră Yang 'Bok Kei-Dei lu bơ̆n.

Jôsuê 18:6 Iomraidhean Croise

Horiso 105:11

Sư khan: “Inh gô ăn kơ Ih teh char Kanaan, Noh teh lu iĕm jang sa;”

Tơdrông Pơđơk 16:33

Đe hlang lăng iŏk đơ̆ng kơpal tơdrơi ao. Mă-lei dôm tơdrong trŏ dah glăi tă lĕch đơ̆ng Kră Yang ngăl.

Tơdrông Pơđơk 18:18

Hlang lăng gơh pơtôch tơdrong pơjah. Plah 'bar pah pran huay pă pơjah.

Jo 33:54

Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

Jo 34:13

Môis tơbăt nơ̆r tơtă 'nâu ăn kơ kon pơlei adrĕch Isơrael thoi âu: Noh boih dêh char mă lu iĕm gô hlang lăng iŏk asong băl kiơ̆ thoi nơ̆r Kră Yang đei khan ăn kơ tơsĭn adrĕch păng minh puăt adrĕch Manase.

Jang 13:19

Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

Jôsuê 14:2

Đe hlang iŏk klah asong kơ tơsĭn adrĕch minh puăt, kiơ̆ kơ Kră Yang mă Môis đei khan pơkă.

Jôsuê 18:10

Jôsuê hlang lăng kơ lu sư tơ pơlei Silô, 'bơ̆t anăp Kră Yang; tơ noh Jôsuê klah asong char ăn kơ kon pơlei Isơrael, kiơ̆ kơ adrĕch adrung lu sư.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.

Jôsuê 18:8

Kơplah lu sư iung yak năm; Jôsuê pơkă kơ lu sư. Lu iĕm athei năm jơ̆p kơ char noh chhơ̆ iŏk rup teh char noh, na wih brŏk tơ inh; inh gô hlang ăn kơ lu iĕm 'bơ̆t anăp Kră Yang tơ pơlei Silô.