Jôsuê 18:16 - Sơ̆p Hlabơar Nơ̆r 'Bok Kei-Dei

¹⁶ hơdral jur tơ jơ̆ng kông rok thŭng, kon drŏ-nglo Ben Hinôm oei tơ gah yă-nơ̆m kơ thŭng Rêphaim, rok jur tơklă thŭng Hinôm dăr gah gơal kơ pơlei tih Jêbus, weh dăr jur truh tơ Ên Rôgel.

Jôsuê 18:16 Iomraidhean Croise

II Sam 17:17

Jônathan păng Ahimaas dơ̆ng gô tơ đak glung Ên Rôgel, đei minh 'nu bơngai drŏ-kăn juăt kơ năm roi tơbăt ăn kơ lu sư, na bre sư roi ăn kơ Đawit. Bre sư ưh kơ pơ̆n mơ̆t lăm pơlei hli kơ đe 'bôh.

II Sam 5:18

Kon pơlei Philistin năm gă tơ lăm thŭng Rêphaim.

I Pot 1:9

Adonija pơyơ̆r triu, rơmo păng kon rơmo bek, pơm tơmam soi 'bơ̆t tơmo Sohôlet, jê̆ Ên Rôgel. Sư krao wơ̆n đĭ-đăng 'nhŏng oh sư, lu kon drŏ-nglo pơtao, păng đĭ-đăng lu bơngai pơm yŏng pơgơ̆r mă bơ̆jang kơ pơtao.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

I Ho 14:9

Kon pơlei Philistin năm truh, blah pơrăm Thŭng Rêphaim.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Je 19:11

‘Na khan kơ lu sư: 'Nâu nơ̆r Kră Yang Tih Hloh khan: Inh gô teh pơchah lê̆ kon pơlei păng pơlei âu kư̆m thoi Jêrêmi teh pơchah ge noh mơ̆n, ưh pă gơh pơklep dơ̆ng. Lu sư gô 'bŭ hơtâu bơngai lôch tơ Tôphet, dĭng mă anih 'bŭ pă đei.’ ”

Je 19:2

Năm tơ lăm Thŭng Ben Hinôm, jê̆ trong mơ̆t tơ 'Măng Jang Ge Pơchah, athei roi tơbăt lu nơ̆r mă Inh gô ăn kơ ih tơ noh.

Je 19:6

Kră Yang khan: “'Nâu năr gô truh, kơplah noh anih âu ưh pă krao Tôphet, kư̆m ưh pă krao Thŭng Ben Hinôm dơ̆ng, gô krao anih thŭng tơdrong tơkoh tơ'bet băl.

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Jôsuê 15:63

Mă-lei lu bơngai Juđa, ưh kơ gơh pơpuh lu kon pơlei Jêbus mă oei tơ Jêrusalem, kon pơlei Jêbus, oei hơdai hăm bơngai Juđa tơ Jêrusalem truh tơ dang ei.

Jôsuê 18:28

Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

Lu 1:21

Mă-lei kon sâu Bênjamin ưh kơ gơh puh lê̆ kon pơlei Jêbus đơ̆ng pơlei Jêrusalem, na kon pơlei Jêbus oei oei hơdai kon sâu Bênjamin dĭng truh tơ dang ei.

Lu 1:8

Bơngai Juđa blah iŏk pơlei Jêrusalem; lu sư yua đao pơlôch kon pơlei păng klơ̆m ŭnh soh pơlei.

Lu 19:10

Mă-lei ŏng sư ưh kơ wă 'bĭch măng noh dơ̆ng, sư iung brŏk hăm akăn kơnhŏng sư kư̆m kiơ̆ mơ̆n păng bơngai buăl sư hloi mơ̆n, anhăk ba 'bar tŏ aseh iĕ tah an, sư năm truh tơ pơlei Jêbus.a