Jôsuê 18:12 - Sơ̆p Hlabơar Nơ̆r 'Bok Kei-Dei

¹² Hơdral kơ Bênjamin gah yă-nơ̆m iŏk đơ̆ng đak Krong Jôrđăn, rok tŏk tơ gah yă-nơ̆m tơter kông pơlei Jêrikô tơ gah bơmơ̆t tŏk truh tơ kông groi tơ'bưh tơ lăm thŭng Bêt Awen.

Jôsuê 18:12 Iomraidhean Croise

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Jôsuê 16:1

Teh asong kơ kon sâu Jôsep iŏk đơ̆ng đak Krong Jôrđăn jê̆ pơlei Jêrikô, iŏk đơ̆ng gah hơlĕch kơ glung đak pơlei Jêrikô 'moi rok tơ lăm thŭng dơnă tŏk truh tơ kơpal kông Bethel.

Jôsuê 18:11

Hlang lăng iŏk trŏ kơ adrĕch Bênjamin, kiơ̆ kơ adrĕch adrung lu sư, teh mă klah asong lu sư, oei tŏk-bŏk sơlam lu adrĕch Juđa păng Jôsep.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 3:16

Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,

Jôsuê 6:1

Kơplah noh pơlei Jêrikô tang chơkăl đĭ-đăng 'măng jang boih, yua kơ lu bơngai Isơrael truh ưh pă đei bu mơ̆t dah lĕch.

Jôsuê 7:2

Đơ̆ng Jêrikô Jôsuê wơh bơngai năm chop lăng pơlei Ahi, Jê̆ Bêt Awen, gah hơlĕch kơ Bethel na khan: Năm chop lăng bĕ tơring noh. Lei na lu sư năm chop lăng pơlei Ahi.

Jôsuê 8:15

Jôsuê păng đĭ-đăng kon pơlei Isơrael, lê̆ lu ayăt năm blah, pơm thuơ, na kơdâu tơklă tơ lăm thŭng glă.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.