Jôsuê 17:4 - Sơ̆p Hlabơar Nơ̆r 'Bok Kei-Dei

⁴ Lu kon drŏ-kăn âu dơ̆ng 'bơ̆t anăp 'bok soi Êlêasar, 'bơ̆t anăp Jôsuê, kon drŏ-nglo Nun păng 'bơ̆t anăp lu kră pơgơ̆r pơlei, na khan: Kră Yang khan kơ Môis asong ăn kơ lu nhôn đei teh jang sa lăm lu 'nhŏng oh lu nhôn. Jôsuê chu kiơ̆ nơ̆r Kră Yang pơkă sư asong ăn teh jang sa kơ lu sư hơdai lăm lu 'nhŏng oh lu sư.

Jôsuê 17:4 Iomraidhean Croise

Jo 27:1

Lu kon drŏ-kăn Sêlôpêhat, kon drŏ-nglo Hêpher, sâu Gileat, sâu i Makir, sâu ach Manase, lăm adrĕch adrung kon drŏ-nglo Jôsep. 'Nâu anăn lu kon drŏ-kăn sư: Mahla, Nôa, Hogla, Milka păng Tirsa.

Jo 27:4

Yua kơ kiơ anăn 'bă lu nhôn sŭt lê̆ ưh kơ đei chih tơmơ̆t lăm lu adrĕch adrung sư yua kơ sư ưh kơ đei kon drŏ-nglo ôh? Asong bĕ lu nhôn teh jang sa hơya minh lăm lu 'nhŏng oh 'bă lu nhôn.

Jo 36:10

Lu kon drŏ-kăn Sêlôpêhat pơm rok kiơ̆ thoi Kră Yang đei pơkă kơ Môis.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Jôsuê 14:1

Âu boih teh lê̆ kơ kon pơlei Isơrael jang sa lăm dêh char Kanaan, kiơ̆ thoi 'bok soi Êlêasar, Jôsuê kon drŏ-nglo Nun hăm lu kơdră lu adrĕch kon pơlei Isơrael đei asong kơ lu sư.

Jôsuê 17:5

Thoi noh adrĕch Manase đei mơjĭt tŏ tơring dơ̆ng, 'nguaih kơ char Gileat păng char Basan tơ gah hơlĕch kơ đak Krong Jôrđăn;

Jôsuê 21:1

Lu Yŏng kơdră lăm adrĕch bơngai Lêwi năm tơ 'bok soi Êlêasar, tơ Jôsuê kon drŏ-nglo Nun păng lu yŏng kơdră nai kư̆m lăm adrĕch bơngai Isơrael,