Jôsuê 17:16 - Sơ̆p Hlabơar Nơ̆r 'Bok Kei-Dei

¹⁶ Lu kon sâu Jôsep tơl khan: Tơ kông ưh kơmah kơ lu nhôn ôh; bĕ tơ lăm thŭng dơnă, đĭ-đăng kon pơlei Kanaan oei tơ noh, đei gre aseh mam păng lu kon pơlei Bêt Sêan hai, hăm lu pơlei, lu sư oei kư̆m thoi kon pơlei lăm thŭng Jêsreel.

Jôsuê 17:16 Iomraidhean Croise

I Pot 18:45

Lăp pă 'biơ̆ kơ noh đei hơmơ̆l găm suek, đei kial bah păng đei 'mi tih hloi. Ahap hao gre aseh hăt hot năm tơ Pơlei Jêsreel.

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

I Pot 21:1

Đơ̆ng rŏng kơ lu tơdrong 'noh, đei dơ̆ng tơdrong 'nâu: Nabôt Pơlei Jêsreel, đei minh hlak pơgar hơmu jê̆ hnam Ahap pơtao dêh Samari.

I Pot 21:23

Kră Yang kư̆m khan gah Jêsebel: ‘Kŏ gô sa sĕch Jêsebel tơ lăm pơlei Jêsreel.’

I Pot 4:12

Baana kon drŏ-nglo Ahilut wei-lăng lăm pơlei Taanach, pơlei Mêgiđô păng đĭ kơ pơlei Bêtsan jê̆ pơlei Sarêthan gah ala kơ pơlei Jêsreel păng iŏk đơ̆ng pơlei Bêt Sêan truh kơ pơlei Abel Mêhôla, truh tơ pah to pơlei Jôkmêam.

II Pot 9:10

Kŏ gô sa akâu yă Jêsebel lăm char glă Jêsreel, ưh kơ đei bu 'bŭ sư.” Na bơngai tơdăm ei pơih 'măng păng kơdâu weh hloi.

II Pot 9:37

Păng atâu sư noh gô hĕch hoch nhen mơ̆r 'bơ̆t teh, tơ lăm mir chŭn Pơlei Jêsreel, dĭng đe mă pă gơh khan: “'Nâu bơih Jêsebel.”

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Jôsuê 15:56

Jesreel, Jôkđem, Sanôa,

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

Jôsuê 17:15

Jôsuê tơl lu sư: “Tơdah kon pơlei lu iĕm lơ kơdrâ̆m lei lu iĕm năm muih jang tơ bri kơdrơ̆ng tơ kông to, tơ anih noh iĕm choh iŏk jang sa lăm teh char bơngai Phêrêsit păng lu kon pơlei Raphait. Yua kơ tơring kơpal kông Êphraim iĕ hrăt-hrot kơ iĕm.”

Jôsuê 17:17

Kơplah noh Jôsuê khan kơ adrĕch Jôsep, lu adrĕch adrung Êphraim păng lu adrĕch Manase, khan: Lu iĕm jing kon pơlei kơdrơ̆m lơ păng đei jơhngơ̆m pran kơtang, ưh kơ sĭ iŏk teh lăp minh đĕch ôh;

Jôsuê 17:18

mă-lei char gah kông noh jing teh lu iĕm mă khan bri kơdrơ̆ng, lu iĕm chong muih jang truh tơ jơ̆p-jang mă să ataih, yua kơ lu iĕm gơh puh tơweh lu kon pơlei Kanaan, mă khan lu sư đei gre aseh mam pran kơtang ră.

Jôsuê 19:18

Hơdral lu sư truh tơ Jêsreel, Kêsulôt, Sunem,

Lu 1:19

Kră Yang oei hơdai hăm bơngai Juđê na bơngai Juđê gơh iŏk oei tơ lu pơlei kơpal groi kông, mă-lei lu kon pơlei oei tơ lăm thŭng lu sư ưh kơ gơh pơpuh ôh, yua kơ lu đe ei đei gre aseh pơm păng bơsei.

Lu 4:13

Sisêra akŭm đĭ gre aseh, đei tơsĭn-hrĕng tŏ gre aseh păng đĭ lu linh sư đơ̆ng pơlei Harôsêt Hagôim năm truh tơ thong đak krong Kisôn.

Lu 4:3

Yua kơ pơtao Jabin đei tơsĭn-hrĕng tŏ gre aseh đe pơm păng mam păng lăm 'bar-jĭt sơnăm sư pơgŏ pơđep pơm kơnê̆ kơ lu bơngai Isơrael, na kon pơlei Isơrael krao apinh Kră Yang tơgŭm.

Lu 6:33

Đĭ-đăng lu kon pơlei Miđian, kon pơlei Amalek păng lu bơngai đơ̆ng tơring gah hơlĕch pơgơ̆p băl hơdai, năm tŏk tơ pah to kơ đak Krong Jôrđăn, pơm bơsŭn oei tơ thŭng Jêsreel.

I Sam 29:1

Kon pơlei bơngai Philistin akŭm đĭ-đăng lu linh tơ Aphek; gah kon pơlei bơngai Isơrael pơm kơđông 'bơ̆t jê̆ glung Jesreel.