Jôsuê 17:13 - Sơ̆p Hlabơar Nơ̆r 'Bok Kei-Dei

¹³ Mă-lei mưh kon pơlei Isơrael rai pran kơtang lu sư rôp lu kon pơlei Kanaan pơm đĭch, lei na ưh kơ kĕ pơpuh tơweh lu sư đĭ.

Jôsuê 17:13 Iomraidhean Croise

Bl 49:15

Sư 'bôh boih anih pơdơh 'lơ̆ng rŏ, Păng teh jang sa 'lơ̆ng jing dêh. Sư pơgrê hơngiĕng sư wă tung trăp. Chu iŏk tơdrong jang gleh pơmat.

II Sam 3:1

Đei tơdrong tơblah đunh tơpă khŭl Đawit hăm khŭl Sôl, gah khŭl Đawit rai đunh rai pran, na gah khŭl Sôl rai đunh rai rơdu tơrăn.

I Pot 9:21

Dôm lu kon sâu sư mă oei arih lăm dêh char mă lu bơngai Isơrael ưh kơ kĕ pơlôch pơđĭ 'noh, na Sôlômôn rôp lu sư pơm đĭch bơ̆jang truh tơ dang ei.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Jôsuê 16:10

Mă-lei lu sư ưh kơ pơpuh tơweh lu kon pơlei Kanaan mă oei tơ Geser, na lu kon pơlei Kanaan oei hơdai hăm adrĕch Êphraim, mă truh dang ei, mă-lei pơgŏ athei jang trăp gleh.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

Lu 1:28

Dĭng khŭl bơngai Isơrael pran boih, na rôp kon pơlei Kanaan pơgŏ lu sư jang pơmat-tat, mă-lei ưh kơ đei layơ gơh pơpuh đĭ lu sư năm tơ nai.

Lu 1:30

Bơngai Sebulun kư̆m ưh kơ gơh pơpuh tơweh kon pơlei oei tơ Kitrôn, dah kon pơlei oei tơ Nahalô, bơngai Kanaan oei hơdai hăm bơngai Sabulun, mă-lei pơgŏ athei lu sư jang pơmat-tat.

Lu 1:33

Bơngai Neptali ưh kơ gơh pơpuh tơweh kon pơlei oei tơ Bêt Sêmes păng kon pơlei oei tơ Bêt Hanat; na lu sư oei tŏk-bŏk lăm kon pơlei Kanaan mă-lei kon pơlei Bêt Sêmê păng kon pơlei Bêt Anat lu bơngai Neptali pơgŏ athei lu sư jang pơmat-tat.

Lu 1:35

Kon pơlei Amôrit kư̆m oei tơ kông Hares, Aijalôn păng Salbim; mă-lei adrĕch adrung Jôsep sư pran na lu sư athei bơngai Amôrit jang kơ lu sư gleh pơmat.