Jôsuê 16:7 - Sơ̆p Hlabơar Nơ̆r 'Bok Kei-Dei

⁷ Iŏk đơ̆ng Janôa hơdral jur truh tơklă pơlei Atarôt păng Nara, tơ'bưh kơ pơlei Jêrikô tôch đak Krong Jôrđăn.

Jôsuê 16:7 Iomraidhean Croise

I Ho 7:28

Teh jang păng anih lu sư oei noh tơ Bethel păng lu pơlei iĕ jum dăr; Gah hơlĕch đei pơlei Naaran păng gah bơmơ̆t đei pơlei Geser hăm lu pơlei iĕ, đei đơ̆ng Pơlei Sichem păng pơlei sư truh tơ pơlei Aya păng lu pơlei iĕ sư.

Jo 33:48

Lu sư weh đơ̆ng kông Abarim năm pơm pơlei oei pơdơh tơ lăm thŭng glă char Môap jê̆ đak Krong Jôrđăn, tơklă anăp pơlei Jêrikô.

Jôsuê 16:6

iŏk đơ̆ng noh truh tơ đak dơsĭ gah yă-nơ̆m kơ pơlei Mikmêtat; gah hơlĕch weh dăr tơklă tơ Thanat Silô rok hloh kơ tơ Janôa tơ gah hơlĕch.

Jôsuê 3:16

Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,

Jôsuê 6:1

Kơplah noh pơlei Jêrikô tang chơkăl đĭ-đăng 'măng jang boih, yua kơ lu bơngai Isơrael truh ưh pă đei bu mơ̆t dah lĕch.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.