Jôsuê 15:7 - Sơ̆p Hlabơar Nơ̆r 'Bok Kei-Dei

⁷ đơ̆ng âu hơdral tŏk tơ Đêbir, đơ̆ng thŭng Akôr năm tơpăt tơ gah yă-nơ̆m dăr tơklă Gilgal, tơklă kuĕl Ađumim gah gơal kơ thŭng rok cheng tu đak Ên Sêmes păng tơtil tu đak Ên Rôgel.

Jôsuê 15:7 Iomraidhean Croise

II Sam 17:17

Jônathan păng Ahimaas dơ̆ng gô tơ đak glung Ên Rôgel, đei minh 'nu bơngai drŏ-kăn juăt kơ năm roi tơbăt ăn kơ lu sư, na bre sư roi ăn kơ Đawit. Bre sư ưh kơ pơ̆n mơ̆t lăm pơlei hli kơ đe 'bôh.

I Pot 1:9

Adonija pơyơ̆r triu, rơmo păng kon rơmo bek, pơm tơmam soi 'bơ̆t tơmo Sohôlet, jê̆ Ên Rôgel. Sư krao wơ̆n đĭ-đăng 'nhŏng oh sư, lu kon drŏ-nglo pơtao, păng đĭ-đăng lu bơngai pơm yŏng pơgơ̆r mă bơ̆jang kơ pơtao.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Jôsuê 10:43

Đơ̆ng noh Jôsuê păng đĭ-đăng linh Isơrael wih brŏk tơ Gilgal.

Jôsuê 15:15

Đơ̆ng noh lu sư năm blah kon pơlei tih Đêbir, noh sơ̆ đe anăn pơlei Kiriat Sêpher.

Jôsuê 15:6

tŏk tơ Bêt Hôgla, tơ gah yă-nơ̆m pơlei Bêt Araba, truh tơ Tơmo Bôhan, (anăn kon drŏ-nglo Rubên),

Jôsuê 18:17

Weh dăr tơ gah yă-nơ̆m truh tơ Ên Sêmes; đơ̆ng noh tơpăt Geliôt tơklă kuĕl tơngơ̆ Ađumim, jur tơ tơmo Bôhan, anăn kon drŏ-nglo Rubên;

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,

Jôsuê 7:24

Jôsuê păng đĭ-đăng kon pơlei Isơrael rôp Akan, sâu Sêra, iŏk Hu, ao tai, tơpei Maih, lu kon drŏ-nglo, drŏ-kăn sư, lu rơmo, aseh iĕ, triu păng hnam bơsŭn păng đĭ kơ dôm tơmam sư, chông chĕp ba sư tơ lăm thŭng pŭng-lŭng Akôr.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c