Jôsuê 14:6 - Sơ̆p Hlabơar Nơ̆r 'Bok Kei-Dei

⁶ Kon sâu Juđa năm tơ Jôsuê tơ Gilgal păng Kalep kon drŏ-nglo Jêphunê, kon pơlei Kênisit khan: Ih băt tơdrong mă Kră Yang khan kơ Môis bơngai Kră Yang 'Bok Kei-Dei tơ char Kades Barnêa tơdrong ih hăm inh.

Jôsuê 14:6 Iomraidhean Croise

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 13:14

Sư druh kiơ̆ bơngai mă Kră Yang 'Bok Kei-Dei yua ei, tơ'bơ̆p sư oei ngôi ala tơm 'long kôih, Sư jet: “Hăm trŏ kơ ih bơngai đơ̆ng char Juđa mă Kră Yang 'Bok Kei-Dei yua?” Bơngai ei tơl: “Trŏ kơ inh bơih.”

II Pot 4:16

Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

II Pot 4:42

Đei minh 'nu bơngai đơ̆ng Baal Salisa truh, ba ăn kơ Êlisê bơngai 'Bok Kei-Dei yua noh 'bar-jĭt tŏ 'bĕng mi păng minh hnŏng ba bơyan yuă blŭng-a. Êlisê athei đam sư: “Chă asong ăn kơ lu đe sa bĕ.”

II Pot 4:9

Yă ei khan kơ klo sư: “Inh băt bơngai mă juăt kơ năm tơ hnam bơ̆n 'noh sư bơngai 'lơ̆ng tơpăt thoi Kră Yang 'Bok Kei-Dei wă.

II Pot 8:11

Êlisê, bơngai mă Kră Yang 'Bok Kei-Dei yua pơglăn pơnhen tơ Hasael đunh dĭng mah sư mơlâu, đơ̆ng noh Êlisê khĭk khơ̆k nhơ̆m.

II Pot 8:7

Êlisê năm truh tơ pơlei Đamas. Kơplah noh Ben Hadat pơtao Aram jĭ. Đei bơngai roi ăn kơ pơtao khan: “Bơngai Kră Yang 'Bok Kei-Dei yua, 'nao truh tơ âu.”

I Ho 23:14

Lu drŏ-nglo Môis, bơngai Kră Yang 'Bok Kei-Dei, chih tơmơ̆t jô̆ lăm adrĕch adrung Lêwi.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Je 35:4

Inh chông ba lu sư năm tơ hnam Kră Yang mơ̆t lăm anih lu kon drŏ-nglo Hanan kon drŏ-nglo Idalia, bơngai Kră Yang 'Bok Kei-Dei. Anih noh jê̆ anih lu yŏng păng anih kơpal kơ Maaseia kon drŏ-nglo Salum, bơngai gak 'măng.

Jo 13:26

Brŏk truh boih lu sư năm tơ Môis, Arôn păng đĭ khŭl adrĕch bơngai Isơrael, tơ Kades lăm char glă Pharan, lu sư roi ăn kơ bre sư păng đĭ-đăng kon pơlei băt păng tơ'bôh ăn plei 'long sa đơ̆ng lăm char noh.

Jo 13:30

Kalep pơm ăn kơ lu kon pơlei oei hreh 'bơ̆t anăp Môis, na sư khan: Lu bơ̆n athei năm tŏk blah iŏk oei hloi lăm char noh, gô jei lu bơ̆n.

Jo 13:6

Kalep kon drŏ-nglo Jêphunê đơ̆ng adrĕch Juđa;

Jo 14:24

Mă-lei Kalep buăl Inh, chu kiơ̆ lui ngeh kơ nơ̆r Inh tơpă ưh kơ wă kiơ̆ nơ̆r lu đe, na Inh gô chông ba ăn kơ sư mơ̆t lăm char noh, char mă đêl sư đei năm boih, ăn kơ lu adrĕch adrung sư oei jang sa tơ noh.

Jo 14:30

na gô ưh kơ gơh mơ̆t oei tơ char mă Inh đei pơkă wă ăn kơ lu iĕm oei, lăp Kalep kon drŏ-nglo Jêphunê păng Jôsuê kon drŏ-nglo Nun đĕch.

Jo 14:6

Jôsuê kon drŏ-nglo Nun păng Kalep kon drŏ-nglo Jêphunê bre sư kư̆m lăm lu bơngai năm chop dăr lăng char noh, hek ao bre sư kơdih.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

Jo 32:12

lăp Kalep kon drŏ-nglo Jêphunê bơngai Kênisit păng Jôsuê kon drŏ-nglo Nun, yua kơ bre sư kiơ̆ Kră Yang tơnăp đĭ jơhngơ̆m.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Both 34:10

Đơ̆ng năr noh, lăm lu bơngai Isơrael ưh kơ đei bơngai bu khan lê̆ adrol nhen thoi Môis, mă Kră Yang băt juăt kơ tơ'bơ̆p pơma dơnuh,

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

Jôsuê 10:43

Đơ̆ng noh Jôsuê păng đĭ-đăng linh Isơrael wih brŏk tơ Gilgal.

Jôsuê 14:14

Thoi noh na Hêbrôn jing teh ăn kơ Kalep jang sa kon drŏ-nglo Jêphunê, đơ̆ng bơngai Kênisit ăn kơ Kalep jang sa mă truh dang ei, yua kơ sư chu păng pơm kiơ̆ Kră Yang 'Bok Kei-Dei Isơrael đĭ jơhngơ̆m.

Jôsuê 15:17

Ôtniêl, kon drŏ-nglo Kêna oh Kalep đei blah iŏk pơlei noh; na Kalep ăn hloi Aksa kon drŏ-kăn sư pơm akăn Ôtniêl.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,