Jôsuê 14:3 - Sơ̆p Hlabơar Nơ̆r 'Bok Kei-Dei

³ Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.

Jôsuê 14:3 Iomraidhean Croise

Êsêkiên 45:1

Tơdah lu iĕm hlang lang klah asong băl teh wă jang sa, athei klah lê̆ minh pah teh pơyơ̆r kơ Kră Yang teh noh jing teh 'lơ̆ng rơgoh lăm char. Tor sư 'bar-jĭt pơđăm-rơbâu hơgăt păng wơ̆l 'bar-jĭt rơbâu hơgăt; đĭ-đăng lu teh âu jing teh 'lơ̆ng rơgoh.

Jôsuê 12:6

Môis đĭch đam Kră Yang păng kon pơlei Isơrael blah iŏk đơ̆ng lu sư, Môis đĭch đam Kră Yang klah asong teh ăn kơ lu adrĕch Rubên, Gat, minh puăt kơ adrĕch Manase, choh jang sa mir 'ba.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

Jôsuê 13:16

Teh mă adrĕch Rubên iŏk đơ̆ng Arôe truh tơ thong Arnôn, iŏk đơ̆ng pơlei lăm thŭng noh dĭng truh tơ char groi kông hlôi kơ Mêđêba;

Jôsuê 13:17

truh tơ pơlei Hesbôn păng đĭ-đăng lu pơlei oei tơ lăm char kông groi Đibôn, Bamôt Baal, Bêt Baal Mêôn.

Jôsuê 13:8

Lu adrĕch Rubên, Gat păng minh puăt lăm adrĕch adrung Manase, đei iŏk boih teh đơ̆ng Môis đĭch đam Kră Yang đei asong ăn kơ lu sư, wă jang sa gah hơlĕch kơ đak Krong Jôrđăn.