Jôsuê 13:8 - Sơ̆p Hlabơar Nơ̆r 'Bok Kei-Dei

⁸ Lu adrĕch Rubên, Gat păng minh puăt lăm adrĕch adrung Manase, đei iŏk boih teh đơ̆ng Môis đĭch đam Kră Yang đei asong ăn kơ lu sư, wă jang sa gah hơlĕch kơ đak Krong Jôrđăn.

Jôsuê 13:8 Iomraidhean Croise

Jo 32:19

Lu nhôn ưh kơ đei kiơ lăm kon pơlei Isơrael oei pah to đak Krong Jôrđăn dah oei ataih đơ̆ng noh yua kơ lu nhôn đei teh jang sa tơ pah âu kơ đak Krong Jôrđăn, tơ gah hơlĕch.

Both 3:8

Thoi noh lu bơ̆n blah iŏk teh đơ̆ng 'bar 'nu pơtao Amôrit lăm char noh mă oei pah to Krong Jôrđăn, iŏk đơ̆ng glung Arnôn truh tơ Kông Hermôn.

Jôsuê 12:1

Âu lu anăn pơtao kơ dêh char, mă Isơrael đei blah iŏk dêh char teh đak lu sư gah to kơ đak Krong Jôrđăn, đơ̆ng glung Arnôn, truh tơ kông Hermôn đĭ kơ thŭng dơnă gah hơlĕch Araba.

Jôsuê 12:6

Môis đĭch đam Kră Yang păng kon pơlei Isơrael blah iŏk đơ̆ng lu sư, Môis đĭch đam Kră Yang klah asong teh ăn kơ lu adrĕch Rubên, Gat, minh puăt kơ adrĕch Manase, choh jang sa mir 'ba.

Jôsuê 13:7

Păng klah asong bĕ char âu kơ tơsĭn tŏ adrĕch, minh puăt lê̆ kơ adrĕch Manase.

Jôsuê 13:9

Teh đak să iŏk đơ̆ng char Arôe, tơ'bưh 'bơ̆t jih thong Arnôn păng pơlei oei tŏk-bŏk pŭng-lŭng noh păng đĭ kơpal groi kông đơ̆ng Mêđêba truh tơ Đibôn;

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 4:12

Kon sâu Rubên, kon sâu Gat păng minh puăt kon sâu Manase chĕp khêl đao yak adrol kơ kon pơlei Isơrael trŏ thoi Môis đei khan tơbăt kơ lu sư,

I Sam 13:7

Kŭm đei Lu bơngai Hêbrơ tŏk găn kơ đak Krong Jôrđăn, truh tơ tơring Gat păng Gileat. Mă-lei Sôl sư oei kơtă tơ Gilgal, đĭ-đăng kon pơlei kiơ̆ sư hli tơtey ngăl.