Jôsuê 13:6 - Sơ̆p Hlabơar Nơ̆r 'Bok Kei-Dei

⁶ oei đei kon pơlei oei tơ char tơring kơpal kông, đơ̆ng Liban truh tơ Misrêpôtmaim, noh lu kon pơlei Siđôn. Inh gô puh tơweh lu sư, đơ̆ng anăp măt lu bơngai Isơrael. Ăn teh noh kơ Isơrael jang sa, kiơ̆ thoi inh đei tơtă boih kơ ih.

Jôsuê 13:6 Iomraidhean Croise

Horiso 80:8

Đơ̆ng char Êyiptơ Ih rô̆ ba boih minh tơnơm hơmu; Ih pơpuh boih lu dêh char na pơtăm tơnơm hơmu noh,

Jo 33:54

Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 11:12

Jôsuê rôp đĭ lu pơtao, koh pơlôch lu sư hăm đao gưm, blah iŏk đĭ pơlei tih lăm char âu kiơ̆ thoi Môis đĭch đam Kră Yang đei tơtă.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 13:7

Păng klah asong bĕ char âu kơ tơsĭn tŏ adrĕch, minh puăt lê̆ kơ adrĕch Manase.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

Jôsuê 23:5

Kơdih kâu Kră Yang 'Bok Kei-Dei lu iĕm gô puh păng tơweh đĭ kon pơlei noh đơ̆ng anăp lu iĕm păng lu iĕm gô iŏk char noh, trŏ thoi Kră Yang 'Bok Kei-Dei lu iĕm đei pơkă ăn kơ lu iĕm.