Jôsuê 13:13 - Sơ̆p Hlabơar Nơ̆r 'Bok Kei-Dei

¹³ Mă-lei kon pơlei Isơrael ưh kơ pơpuh ôh kon pơlei Gêsur păng kon pơlei Makatit, thoi noh lu sư oei hơdai bơngai Isơrael truh tơ dang ei.

Jôsuê 13:13 Iomraidhean Croise

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

II Sam 10:6

Kon pơlei Ammôn băt kơ lu sư pơm wă kơ Đawit blĕk, na wơh bơngai năm mưng iŏk kon pơlei Siri oei tơ pơlei Bêtrêhot păng tơ Sôba dang 'bar-jĭt rơbâu 'nu linh, na mưng iŏk đơ̆ng pơtao Maaka minh-rơbâu 'nu linh, păng mơjĭt-'bar rơbâu 'nu bơngai đơ̆ng pơlei Top.

II Sam 3:3

Kon mă 'bar sư Kilêap, đơ̆ng Abigail đêl akăn Nabal bơngai Karmel tơpŭ. Kon mă pêng anăn Apsalôm kon drŏ-nglo Maka kon adruh Thamai, pơtao Gêsur.

Jo 33:55

Tơdah lu iĕm ưh kơ đei puh tơweh lu kon pơlei oei lăm tơring char noh đơ̆ng anăp iĕm, na lu bơngai mă lu iĕm oei rong lê̆ gô nhen thoi 'long suĕng trŏ lăm măt, kư̆m thoi jơla trŏ kơiĕng lu iĕm, lu sư gô pơrŭng lu iĕm bơngai mă oei lăm char sư noh;

Both 3:14

Jair adrĕch Manase, iŏk đĭ tơring Argôp truh tơ hơdral kon pơlei Gêsur păng Makathit, krao anăn sư kơdih pơlei Hawôt Jar lu pơlei lăm dêh Basan, truh tơ dang ei.

Jôsuê 12:5

Sư pơgơ̆r wei-lăng đơ̆ng Kông Hermôn, gah tơring Salêka păng truh tơ char Basan, tôch truh tơ jih hơdral kon pơlei Gêsur, kon pơlei Makathit, minh puăt char Gileat, hơdral char Hesbôn pơtao Sihôn pơgơ̆r

Jôsuê 13:11

teh đak noh đĭ đơ̆ng dêh Char Gileat, dêh char kon pơlei Gêsur păng kon pơlei Makatit, đĭ kơ kông Hermôn păng đĭ-đăng kơ char Basan truh tơ Salêka,

Jôsuê 13:12

đĭ kơ teh đak Ok, pơtao char Basan, sư pơgơ̆r tơ Astarôt păng Êdrei, oei pă minh 'nu sư oei arih lăm kon pơlei Rêphaim, Môis đei blah iŏk đĭ boih lu sư păng iŏk đĭ teh đak lu sư.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

I Sam 27:8

Đawit păng lu bơngai kiơ̆ sư năm blah iŏk teh bơngai Gêsurit, kon pơlei bơngai Girsi păng kon pơlei bơngai Amalek, lu bơngai mă oei đơ̆ng sơ̆ rok dêh Sur dĭng truh tơ dêh Êyiptơ.