Jôsuê 12:7 - Sơ̆p Hlabơar Nơ̆r 'Bok Kei-Dei

⁷ 'Nâu anăn lu pơtao mă lăm lu dêh char Jôsuê hăm kon pơlei Isơrael đei blah iŏk gah bơmơ̆t kơ đak Krong Jôrđăn, đơ̆ng Baal Gat lăm thŭng Liban truh tơ Kông Halak tŏk tơ kơpơ̆ng tơklă gah Sêir, Jôsuê asong ăn kơ rim adrĕch Isơrael teh bơ̆jang sa mir 'ba kiơ̆ kơ adrĕch sư.

Jôsuê 12:7 Iomraidhean Croise

Bl 14:6

Păng bơngai Hôrit oei tơ kông Sirơ, dĭng truh tơ anih Êl Paran, tơ jê̆ tơmăn glă.

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

Bl 36:20

'Nâu lu kon drŏ-nglo Sier, bơngai Hôrit sơ̆ sư oei lăm char noh: Lôthan, Sôbal, Sibêôn, Ana.

Bl 36:30

Dison, Êser păng Disan. Noh yŏng kơdră adrĕch Hôrit, oei tơ dêh Sier.

Bl 36:8

Thoi noh, Êsâu đe krao Eđôm, oei tơ Sier.

Horiso 135:11

Thoi Sihôn pơtao bơngai Amôrit, Ok, pơtao lu bơngai Basan. Păng đĭ-đăng pơtao dêh char Kanaan

Both 2:1

Thoi noh lu bơ̆n wơ̆t hơlơ̆k na yak năm tơ lăm char glă tơ gah đak Dơsĭ 'Brê, kiơ̆ thoi Kră Yang đei pơkă kơ inh păng lu nhôn năm đunh năr dăr kơ kông groi Seir.

Both 2:4

Roi bĕ kơ kon pơlei băt: Lu iĕm năm brih wă jê̆ teh đak lu 'nhŏng oh iĕm, kon sâu Êsâu, lu bơngai oei lăm char Seir, lu sư gô hli kơ lu iĕm na lu iĕm athei kơchăng bĕ.

Jôsuê 11:17

Đơ̆ng kông Halak lĕch tơklă pơlei Sêir truh tơ pơlei Baal Gat lăm pŭng-lŭng Liban, tơ jơ̆ng kông Hermôn sư rôp pơđĭ lu pơtao char noh păng pơlôch đĭ lu sư.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 9:1

Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,