Jôsuê 12:6 - Sơ̆p Hlabơar Nơ̆r 'Bok Kei-Dei

⁶ Môis đĭch đam Kră Yang păng kon pơlei Isơrael blah iŏk đơ̆ng lu sư, Môis đĭch đam Kră Yang klah asong teh ăn kơ lu adrĕch Rubên, Gat, minh puăt kơ adrĕch Manase, choh jang sa mir 'ba.

Jôsuê 12:6 Iomraidhean Croise

I Pot 4:19

Gêber kon drŏ-nglo Uri wei-lăng dêh char Gileat, 'nâu sơ̆ đêl dêh char Sihôn, khŭl bơngai Amôrit păng Ôk pơtao dêh char Basan. Minh 'nu sư đĕch pơgơ̆r đĭ lăm dêh char 'nâu.

Jo 32:29

na khan: Tơdah kon sâu Gat păng kon sâu Rubên chĕp đao hơlă tŏk găn đak Krong Jôrđăn hăm lu iĕm wă năm tơblah 'bơ̆t anăp Kră Yang păng tơdah dêh char noh jei lu iĕm, lei lu iĕm athei ăn kơ lu sư teh tơring Gileat jing teh lu sư jang sa.

Jo 32:32

Lu nhôn gô chĕp đao hơlă tơmam tơblah tŏk yak rok anăp Kră Yang mơ̆t lăm dêh char Kanaan; mă-lei lu nhôn gô iŏk teh jang sa tơ pah âu đak Krong Jôrđăn.

Jo 32:33

Thoi noh, na Môis ăn kơ kon sâu Gat, kon sâu Rubên păng ăn minh puăt kơ kon sâu Manase, kon drŏ-nglo Jôsep, dêh char Sihôn, pơtao Amôrit păng dêh char Ôk pơtao char Basan, wă khan dêh char hăm pơlei tih sư păng lu pơlei iĕ lăm tơring oei tăp dăr.

Jôsuê 14:3

Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.